Golovkın birinshi ret Afınyda nege altyn ala almaǵanyn aıtty

  Gennadıı Golovkın 2004 jylǵy Afıny Olımpıadasynda óziniń Gaıdarbek Gaıdarbekten jeńiletini aldyn-ala sheshilip qoıǵanyn málim etti. Bul týraly brıtandyq The Telegraph basylymy habarlady. «Gennadıı Golovkınniń sózine qaraǵanda, jekpe-jekten buryn oǵan bir resmı adam kelip Qazaqstan boksshylary bul olımpıadada bir ǵana altyn medal alýy tıis ekenin jetkizgen, sol sebepti Golovkın 2004 jylǵy oıyndardyń altyn medalinen aırylǵan» dep jazady gazet. Jáne Golovkınniń bul sózdi boks tóreshiler qatań synǵa ushyraǵan Rıo olımpıadasynan birneshe kúnnen keıin aıtyp otyrǵanyn habarlaıdy. Golovkın Afıny fınalynda óziniń reseılik Gaıdarbekovti jeńgenine senimdi. «Reseılik jeńdi. Shyn jeńgen joq, biraq jeńdi. Bári durys. Ol jaǵdaıdan da tájirıbe aldym. Ondaı nárseniń qalaı jasalatynyn bilem» degen ol. 12 jyl buryn bolǵan oqıǵany áńgimelegen Golovkınniń aıtýynsha, jartylaı fınaldan keıin oǵan bir resmı tulǵa kelip, Qazaqstannan bir ǵana boksshynyń altyn alatynyn, biraq onyń Golovkın emes ekenin aıtqan. «Alaıda, ol oıyndardan altyn alǵanymda bálkim bokspen qoshtasar edim» degen Gennadıı Golovkın.