Aldaǵy 5 jylda 600 myń gektar egistik jerlerin aınalymǵa engizý kerek - Elbasy

Aldaǵy bes jylda keminde 600 myń gektar sýarmaly egistik jerdi aınalymǵa engizý kerek . Búgin Aqordada ótip jatqan QR Úkimetiniń keńeıtilgen otyrysynda Memleket basshysy Nursultan Nazarbaev Úkimetke osy máseleni júktedi dep habarlaıdy Qazaqparat. «Aýyl sharýashylyǵy mınıstrligi men ákimder aýyl sharýashylyǵy jerlerin tıimdi paıdalanýǵa qatań baqylaý jasaýy kerek. Bul jerlerdi apatty sý qoımalaryn jóndeý men jańalaryn salý arqyly sýmen qamtamasyz etý qajet. Bul da udaıy aıtylady. Sýǵa tapshy elmiz. Máselen, bıyl qar qalyń boldy, sý aǵyl-tegil. Mol sýdyń bári qaıda ketti. Árıne, osyny durys paıdalana almadyq degen sóz», -  dedi N. Nazarbaev. «Men tipti Keńes odaǵynda osy máselemen aınalysqanmyn. Qazaqstan dalalarynda myńdaǵan qudyqtar bar edi. Qudyq bar jerde mal sharýashylyǵy da jaqsy damıdy. Ol bolmasa túk te joq», - dedi Elbasy. Prezıdent bul rette sý resýrstarymen Úkimet arnaıy aınalysýy tıistigin de atap ótti. Elbasynyń aıtýynsha, eń birinshi kezekte Úkimet qaı jerde qandaı toǵandar salynýy qajettigine basa nazar aýdaratyn bolady.