Jergilikti jobalar respýblıkalyq bıýdjetten qarjylandyrý qysqartylatyn bolady. Búgin Aqordada ótip jatqan QR Úkimetiniń keńeıtilgen otyrysynda Memleket basshysy Nursultan Nazarbaev Úkimetke osyndaı tapsyrma júktedi dep habarlaıdy QazAqparat. «Bıýdjettik saıasatqa kelsek, qıyn kezeńderi Ulttyq qor qarajaty bizdi qutqaryp keldi. Bir emes birneshe ret. Degenmen, Qordan beriletin trensfertterdi qatań reglamentteý kerek. Men buny tikeleı ózim qadaǵalaıtyn bolamyn»,- dedi Memleket basshysy. Sonymen qatar, Elbasy makroekonomıkalyq ornyqtylyqty qamtamasyz etý máselelerine toqtala kele, bıýdjetaralyq qatynastarǵa da nazar aýdardy. Prezıdenttiń aıtýynsha, sońǵy on jylda respýblıkalyq bıýdjetten bólinetin nysanaly transfertter esebinen qarjylandyrý kólemi aıtarlyqtaı keńeıgen. «2016 jyly bul jergilikti bıýdjetke jalpy túsimderdiń 36 paıyzyn qurady. Sondyqtan da, jergilikti mánge ıe jobalardy respýblıkalyq bıýdjetten qarjylandyrýdy toqtatý kerek. Bul máseleni ákimder óz betinshe sheshýge tıis. Osyǵan baılanysty Úkimetke bıýdjetaralyq qatynastardy jetildirý boıynsha usynystar ázirleýdi tapsyramyn», - dedi N. Nazarbaev.