О́ńirdegi ózekti mindetter qarastyrylǵan qabyldaý
Elbasy Nursultan Nazarbaev Batys Qazaqstan oblysynyń ákimi Altaı Kólginovti qabyldady, dep habarlady Prezıdenttiń baspasóz qyzmeti.
Kezdesýde óńdeý ónerkásibi men aýyl sharýashylyǵyn damytý, sondaı-aq óńirdiń ekonomıkasyn odan ári ártaraptandyrý perspektıvalary qarastyryldy.
A.Kólginov Memleket basshysyn óńirdiń áleýmettik-ekonomıkalyq kór-
setkishteri, memlekettik baǵdarlamalardyń júzege asyrylý barysy, sondaı-aq, aldaǵy kezeńdegi ózekti mindetter jóninde habardar etti.
Memleket basshysy kezdesý qorytyndysy boıynsha birqatar naqty tapsyrma berdi.
Aımaqtyń damý keleshegi talqylandy
Memleket basshysy Nursultan Nazarbaev Pavlodar oblysynyń ákimi Bolat Baqaýovty qabyldady, dep habarlady Prezıdenttiń baspasóz qyzmeti.
Kezdesýde oblystyń negizgi áleýmettik-ekonomıkalyq kórsetkishteri jáne taıaý kezeńdegi damý perspektıvalary qarastyryldy. B.Baqaýov Qazaqstan Prezıdentine óńirdegi ónerkásiptiń ósý qarqyny, onyń ishinde ken óndirý, metallýrgııa jáne energetıka salalaryndaǵy ahýal jóninde baıandady.
Sonymen qatar, agroónerkásiptik keshendi jáne aýyl sharýashylyǵy jerlerin sýaratyn ırrıgasııalyq nysandardy odan ári damytý jónindegi sharalar talqylandy.
Memleket basshysy kezdesý qorytyndysy boıynsha birqatar naqty tapsyrma berdi.
Kóńil bólýdi qajet etetin baǵyttar bar
Qazaqstan Prezıdenti Nursultan Nazarbaev Qaraǵandy oblysynyń ákimi Nurmuhambet Ábdibekovti qabyldady, dep habarlady Prezıdenttiń baspasóz qyzmeti.
Nursultan Nazarbaev kezdesý barysynda búginde óńir damýynda erekshe kóńil bólýdi qajet etip otyrǵan birqatar ózekti baǵyttardy atap kórsetti.
Máselen, halyqty jumyspen qamtamasyz etý, ónerkásiptik nysandardy damytý jáne iri ınvestısııalyq jobalardy júzege asyrý máseleleri talqylandy.
N.Ábdibekov Memleket basshysyna óńirdi damytýdyń negizgi áleýmettik-ekonomıkalyq kórsetkishteri, ózekti memlekettik baǵdarlamalardy júzege asyrý barysy, sondaı-aq, aldaǵy kezeńdegi josparlary jóninde málimdedi.
Memleket basshysy kezdesý qorytyndysy boıynsha birqatar naqty tapsyrma berdi.
Tapsyrmalardyń oryndalýyn jalǵastyrýdy tapsyrdy
Elbasy Nursultan Nazarbaev Ońtústik Qazaqstan oblysynyń ákimi Beıbit Atamqulovty qabyldady, dep habarlady Prezıdenttiń baspasóz qyzmeti.
Kezdesý barysynda óńirdi áleýmettik-ekonomıkalyq turǵydan damytý, onyń ishinde aýyl sharýashylyǵy, óńdeý salasy, halyqty jumyspen qamtamasyz etý máseleleri talqylandy.
Nursultan Nazarbaev oblystyń ınvestısııalyq tartymdylyǵyn arttyrý, shaǵyn jáne orta kásipkerlik nysandaryn qoldaý jónindegi mindetterdiń oryndalýyn jalǵastyrýdy tapsyrdy.
Memleket basshysy kezdesý qorytyndysy boıynsha birqatar naqty tapsyrma berdi.
––––––––––––––––––
Sýretter Prezıdenttiń
baspasóz qyzmetinen alyndy
