Jastardyń jolyn ashatyn joba

«Nur Otan» partııasy janynda­ǵy «Jas Otan» jastar qanatynyń bastama­symen «Jastar kadrlyq rezervi» atty mansaptyq satyǵa kóterilýge qush­tar­lyǵy bar, joǵary kásibı bas­qa­rýshylyq qasıetine ıe jastarǵa arnalǵan dástúrli jobanyń tetigi iske qosylǵan edi. 7 jyl ishinde jobaǵa 13 myńnan astam azamat qatysypty. Jobany júzege asyrý kezinde 404 úmitker ashyq irikteý men testileýden, oqý modýli men kásibı bilik­tilik baǵalaýynan, sonymen qatar, memlekettik organdar men ulttyq kompanııalardan taǵylymdamadan ótti. Al bıylǵy jylǵy tirkeý 15 tamyzdan bastalyp, 31 tamyzda aıaqtalǵan jobaǵa qatysýǵa elimizdiń barlyq aımaǵynan 1215 úmitker nıet bildiripti. Jobanyń negizinde kadrlyq rezervti qurýǵa arnalǵan tıimdi júıeni qalyptastyrý, basqarý kadrlaryn irikteý, daıyndaý jáne oqytý júzege asyrylady. Irikteý kezeńiniń qorytyndysy boıynsha 691 kan­dıdat jobanyń «Suh­battasý» keze­ńine shaqyryldy. Keshe atalǵan jobanyń ekinshi kezeńine ótken 20 úmitkermen suhbat júrgizildi. Olardyń arasynda «Nur Otan» partııasy Astana qalalyq fılıaly tóraǵasynyń orynbasary Vladıslav Sergeev, «Jas­tar kadrlyq rezervi» jobasynyń úıles­tirýshisi Ánýar Jaqypov, Bilim jáne ǵylym mınıstrligi Jastar saıasaty de­partamenti áleýmettik basqarmasy­nyń basshysy Almagúl Qaıyrlyqyzy, «Jas Otan» jastar qanatynyń Astana qala­lyq fılıalynyń tóraǵasy Serǵazy Shaqabaev, Astana qalasynyń Jastar saıasaty máse­leleri basqarmasynyń bas­shysy Erbol Ryspaev, jas bıznesmen  Baqtııar Áshirov, «Jastar kadrlyq rezervi 2014» jobasyna qatysýshy Álııa Ádilhanqyzy bar. Bul kúni suhbattasý kezeńinen súrin­begen úmitkerler «Bilim berý» kezeńine ótti. Jobanyń qorytyndy nátıjeleri (www.rezerv.kz) saıtynda jarııalanady. Láıla EDILQYZY, «Egemen Qazaqstan»