Astanada jasaǵan azyq-túlik jármeńkesine Batys Qazaqstan oblysynyń 12 aýdany men Oral qalasynyń kásipkerleri jalpy salmaǵy 200 tonnadan astam azyq-túlik ákeldi. Qoıylǵan baǵalar Astanadaǵymen salystyrǵanda shamamen 20-30 paıyzdaı arzan boldy. Oblys ákimi Altaı Kólginovtiń aıtýynsha, qazir oblysta 21 asyl tuqymdy mal ósiretin sharýashylyq, 10 bordaqylaý kesheni bar. О́tken jyly eksportqa shyǵarylǵan et pen et ónimderiniń kólemi aldyńǵy jylmen salystyrǵanda 2,3 ese kóp boldy.
Astanalyq tutynýshylar úshin «Kýbleı» JShS, «Jaıyq Et» JShS, «MasloDel» AQ, «Agroprodýkt LTD» JShS, «Beles Agro» AQ, «Imanovskıe polýfabrıkaty» JShS jáne basqalary óz ónimderin ákeldi. Oblystaǵy et óndirýshi aýdandardyń biri sanalatyn Qaztalov aýdanynyń ákimi Nurlan Maǵazuly:
– Biz aýdannan 2 tonna jylqy etin, 2 tonna sıyr etin ákeldik. О́nimderimiz sapaly, sanıtarlyq normalarǵa saı. Baǵasy da jergilikti ettiń baǵasynan arzan, – dedi.
Atyraý oblysy aýylsharýashylyq jármeńkesine jalpy kólemi 90 tonnadan astam ónim usyndy. Munaıly óńirdiń aýylsharýashylyq ónimderin shyǵarýshy kásipkerleri et, sút, shujyq ónimderin, qus eti men jumyrtqa syndy bas-aıaǵy 58 túrli taýar jetkizipti.
Atyraý oblysynda 2 myńnan astam agroónerkásip kásiporyndary bar. Onyń 500-ge jýyǵy egin sharýashylyǵymen, 1500-den astamy mal jáne aralas sharýashylyqpen aınalysady. 2015 jyldyń sáıkes kezeńindegi kórsetkishpen salystyrǵanda, bıylǵy jyldyń alty aıynda aýylsharýashylyq ónimderiniń kólemi 4,5 paıyzǵa ósken. Oblystaǵy egistik jerlerdiń aýmaǵy da osydan 5 jylǵy kólemnen 20 paıyzǵa ulǵaıypty.
Arnur Asqar, Aıgúl SEIILOVA,
Sýretterdi túsirgen
Orynbaı BALMURAT,
