Prezıdent «Argo» JShS-niń aýyl sharýashylyǵy keshenine bardy

Memleket basshysyna kásiporynnyń óndiristik qýaty, jumysynyń negizgi baǵyttary týraly baıandaldy. Bul týraly Aqordanyń baspasóz qyzmetine silteme jasaǵan Egemen-aqparat habarlady. Sonymen qatar, Elbasy óńirde ósiriletin aýyl sharýashylyǵy ónimderiniń kórmesin aralap, oblystyń aýyl sharýashylyǵy taýarlaryn óndirýshilermen kezdesti. Olar oraq naýqanynyń barysy men agrarlyq salanyń damý qarqyny jóninde áńgimeledi. Jınalǵandarǵa arnaǵan sózinde Nursultan Nazarbaev ǵylymı-zertteý ınstıtýttarynyń áleýetin óńirdiń agroónerkásip kesheniniń ónimdiligin arttyrý úshin paıdalaný qajettigin aıtty. Budan bólek, Qazaqstan Prezıdenti Qytaıǵa taıaýdaǵy sapary barysynda sol elge eksporttalatyn dándi jáne maıly daqyldar mólsherin aıtarlyqtaı arttyrýǵa múmkindik beretin kelisimge qol jetkizilgenin erekshe atap ótti. Oblystaǵy aýyl sharýashylyǵy kásiporyndarynyń ókilderi Memleket basshysyna eldiń aýyl sharýashylyǵy salasyna qamqorlyǵy men qoldaýy úshin alǵys bildirdi. Egemen-aqparat