Semeıde jylýǵa aqsha tólemegender káriz júıesinen ajyratylady

Bıylǵy kóktemnen bas­tap jergilikti atqarýshy organ men «Jylýkommýnenergo» me­ke­mesi qyzmetkerleri, quqyq qor­ǵaý organdary men jeke sot oryn­daýshylardyń birlesken jumys­tarynyń nátıjesinde jeke jáne zańdy tulǵalardyń 767, 4 mln teńge mólsherindegi qaryzy 318 mln teńgege deıin azaıǵan eken. Bul qaryzdyń 249,6 mln teńgesi jeke tulǵalardiki, qalǵandary kásiporyn, mekemelerge qatysty bolyp otyr. Oblys ákimi Danıal Ahmetov aǵymdaǵy jyldyń mamyr aıynan bastap «Jylýkommýnenergo» mekemesiniń kredıtorlyq jáne de­bıtorlyq qaryzyn azaıtýǵa qa­tysty birqatar tapsyrmalar júktegen. So­ǵan oraı, jergilikti bıliktiń qa­ryz­dardy azaıtý úshin san túrli tá­silderge barýlaryna týra keldi. Tipti, úgit-nasıhat jumystaryn da júrgizdi. Endi jyldar boıy jylýǵa tólemegender sot sheshimi negizinde káriz júıesinen ajyratylyp, páterge kireberis esikteri alynatyn boldy. О́zderińiz bilesizder, búginde kireberis esikter temir ári domofonmen jabdyqtalǵan. Qymbat turatyn esik ekendigi beseneden belgili. Osyndaı sharalar oń nátıje beredi dep kútilýde. Osyǵan oraı jylý maýsymynyń qarsańynda qala ákimi «Jylýkommýnenergo» mekemesiniń abo­nenttik bólim qyzmetkeri, jeke sot oryndaýshylar men ýchaskelik ıns­pektorlar jáne BAQ ókilderimen bir­lesip, sot sheshimi shyqqan bo­rysh­k­erlerdiń mekenjaılarynda boldy. Reıd barysynda qala ákimi, túrli ókiletti ókilder jáne «Jylýkommýnenergo» mekemesi qyzmetkerleriniń qatysýymen «Ortalyq» qazandyǵynyń qysqy merzimge daıyndyǵyn tekserdi. Jy­lý ortalyǵynyń qýaty men kó­mir mólsherin kórgen Ermak Sá­limov «Jylýkommýnenergo» ny­sandarynyń jylý maýsymyna daıyndyǵyna rızashylyǵyn bil­di­r­di. Oǵan qosa, mekeme áleýmettik ny­sandarǵa tıisti kesteden buryn jylý berdi. Qazandyqtar otynmen tolyq qamtamasyz etilgen. – «Jylýkommýnenergo» men barlyq qazandyqtar jylý maýsymyna daıyn. 17 qazandyqtyń 10-y búginde jylý berýde, – dedi qala ákimi. – Aldymen áleýmettik nysandardy jylýmen qamtýdy bastadyq. Ol – aýrýhanalar, ınternattar men mektepter, balabaqshalar. Búginde qalada 30 myń tonna kómir bar. Kúndelikti kómir jetkizilip otyrady. Jylýǵa aqsha tóleýden jaltarýshylar qatarynda turaqty kiristeri bar turǵyndar da bar. Sondyqtan da qaryzy bar kommersııalyq nysandar ózderine kórsetilgen qyzmet aqysyn tólegenderi jón. Al tólemeıtin, jeke tulǵalarǵa túbegeıli shara qol­­danylady. Turmystyq tehnıkalar men ózge de mú­likterdi tárkileý tájirıbesinen tıisti nátıje bol­ma­ǵandyqtan, páterdiń kireberis esigin alyp, káriz jú­ıe­si­nen ajyratý syndy shara qoldanatyn bolamyz. Qazir zań­gerlermen keńese otyryp, boryshkerlerdiń jeke múl­ki retinde páterleriniń syrtqy esikterin tárkileýge bel býdyq. Jeke sot oryndaýshylarmen kez­de­stik. Olar jaýapsyz abonentterge qatysty 2 myńǵa tarta is qozǵalǵanyn aıtyp otyr. – Búginde bizde Jamaqaev, 219­ mekenjaıyndaǵy 8 páter ká­riz júıesinen ajyratylǵan bo­latyn. Qosymsha 2 páterdiń qa­ry­zy bolǵandyqtan, jylýǵa qo­sy­lýy áli belgisiz, – deıdi «Jyl­ýkommýnenergo» mekemesiniń bólim bastyǵy Gaýhar Jetpisbaeva. – Sonymen qatar, osyndaı reıdter Fızkýltýrnaıa, 17, 15, Gete, 121 meken-jaılarynda da júrgizildi. Reıd júrgizilgen eki jarym saǵatta 230 myń teńge qaryz jınaldy. Bizge belgili bolǵandaı, bıyl qaladaǵy turǵyn úılerdiń 86 paıyzy jylýdy qabyldaýǵa daıyn. Úıdiń qubyrlary taza, tehnıkalyq aqaýy joq degen daıyndyq tó­l­qu­jaty turǵyn úılerdiń 70 paıyzynda bar eken. Osy reıdtiń qo­rytyndysy boıynsha keıbir kó­she­ler turǵyndary qaryzdaryn óteýge asyqty. Ákim aldaǵy ýa­qyt­ta da osylaısha ózi reıdke qa­­t­ysyp, qaryzdardy azaıtýǵa kúsh jumsaıtyndyǵyn atap aıtty. Jylý aqysy úshin páterlerdiń esi­gin qaǵyp, qaryzdy tóleýge sha­qy­ryp júrgen qala ákimin kórgen Bó­genbaı batyr kóshesindegi 23-pá­ter­diń bir boryshkeri 62 227 teńge qa­ryzynyń 50 myń teńgesin qolma-qol qaltasynan shyǵaryp, kelgen ko­m­ıssııamen esep aıyrysty da, qal­ǵan aqshasyn jaqyn aralyqta tó­leımin dep ýáde berdi.  Raýshan NUǴMANBEKOVA SEMEI