Stepnogorsk qalasynda HII ulttyq delfı oıyndary ótedi

Qazaqstan Respýblıkasy táýelsizdiginiń 25 jyldyǵyna oraı  1-5 qarasha kúnderi Stepnogorsk qalasynda  HII ulttyq delfı oıyndary ótedi.  Delfı oıyndary – talaı jas talantardy bir arnaǵa toǵystyryp, klassıkadan bastap qazirgi zamanǵa deıingi ónerdiń barlyq túrin qamtıtyn baıqaý.  Baıqaý maqsat – talantty jastardy nasıhat­taý, mádenı áleýetti saqtap, damytý, mádenıet pen ónerdiń ozyq úlgilerinde tárbıeleý, jastar shyǵarmashylyq ujymdarynyń kásibı deńgeılerin arttyrý. Atalmysh jarysqa  jastar 19 atalym boıynsha synǵa túsedi. Olar: Fortepıano, Skrıpka, Baıan/ Akkordeon, Ulttyq aspaptar (Dombyra, Prıma-qobyz, qyl-qobyz), akademııalyq án aıtý, dástúrli án aıtý, halyq bıi, zamanaýı bı, fotosýret, telejýrnalıstıka, qysqametrajdy kıno-beınerolıkter, ónertapqysh, kıim dızaıny, sándik-qoldanbaly óner, ymmen án oryndaý sheberligi, dı-djeı. Delfıılik oıyndar bizdiń eramyzǵa deıin, 582 jyly  Ovıdııa jáne Plýtarha zamanynda bastalǵan. Bul ejelgi uly antıkalyq báıgelerdiń shyǵý tegi men damýyna anyq jaýap joq. Degenmen, 1600 jyl buryn bul oıynnyń ótkizilýine tyıym salynǵan. Júzdegen jyldardy artqa tastap qana ejelgi dástúr jańaryp oıyn qaıta Grekııa memleketinde óte bastady. Delfıı oıyndarynyń Jańa kezeńi 1994 jyly Halyqaralyq Delfılik keńes qurylǵan kezde bastaldy. 19 eldiń ókilderi shtab – páteri Berlınde ornalasqan, halyqaralyq úkimettik emes uıym ashýdy sheshti. Keıingi jyldary álemniń kóptegen elderinde ulttyq Delfıılik keńester quryldy.  Al, 2000 jyly 27 memlekettiń ókilderiniń qatysýymen Máskeý qalasynda birinshi Búkilálemdik  Delfıı oıyndary ótti. Ol oıynda 18 atalym boıynsha 938 adam  baǵyn synady. 2005  jyldyń maýsym aıynda Qazaqstannyń Delfıılik komıteti zańdy tirkeýden ótti. Delfıılik oıyndarǵa qatysý jáne jeńimpaz ataný eń joǵary deńgeıde tanylyp, ózińdi moıyndatý degen sóz. Oıyndardy ótkizý Qazaqstannyń bolashaq mádenı elıtasyn qalyptastyrýǵa septigin tıgizdi. Kelesi Tórtinshi Halyqaralyq Delfı oıyndaryn Qazaqstanda ótkizý týraly Halyqaralyq Delfı komıtetiniń dırektory usynys jasaýy tegin bolmasa kerek. Sebebi, Delfı oıyndary - qaıyrymdylyq pen jasampazdyq murattaryn nasıhattaıtyn joǵary óner forýmyna aınalǵany sózsiz. Qazaqstandyq oıynǵa qatysýshylardyń halyqaralyq baıqaýda  jetken jetistikterine keler bolsaq, birinshi jastar arasyndaǵy Delfı oıyndary Brıansk qalasynda 2002 jyly uıymdastyryldy. (Reseı Federasııasy), ekinshi –2004 jyly Kıshınev qalasynda (Moldova Respýblıkasy), úshinshi –2005 jyly Kıev qalasynda (Ýkraına). Bul jarystardy bizdiń qurama kelesi jetistikterge jetti: 2002 jyl -1 altyn medal, 1 qola medal, 1 arnaıy dıplom; 2004 jyl - 1 altyn medal, 2 kúmis medal, 6 qola medal, 7 arnaıy dıplom; 2005 jyl - 1 kúmis medal, 5 qola medal, 1 arnaıy dıplom. Delfı oıyndarynyń maqsaty Táýelsiz memleketter dostastyǵyna múshe elder arasynda halyqtardyń mádenı muralaryn saqtaı otyryp, jastar arasyndaǵy dostyqty jáne mádenıet aralyq baılanysty nyǵaıtý bolyp tabyldy. 2006 jyly Halyqaralyq Delfı oıyndary Qazaqstanda, Astana qalasynda ótti.  TMD  elderiniń 10 memleketinen  600 qatysýshy qatysqan bolatyn. Sondaı-aq,  2012 jyly da  Astana qalasynda halyqaralyq oıyn óz jalǵasyn tapty. 16 memletetten 1000-nan asa qatysýshy ózara synǵa túsken bolatyn.