Qazaqstan armııasy jańa áskerı tehnıka aldy

Qazaqstandyq armııanyń jaraqtandyrylýyna kezekti S-295 jańa áskerı-kólik ushaǵy men traldary bar zamanaýı er-toqymdy tartqyshtardyń kezekti jańa partııasy men tıeý-túsirý tuǵyry kelip tústi, - dep habarlaıdy Qorǵanys Mınıstrligi óziniń resmı saıtynda. Ushaqtyń bul túrin Qazaqstannyń Qarýly Kúshteri 2002 jyldan bastap paıdalanýda. Paıdalanylýy jyldarynda topyraqty jáne qysqartylǵan ushý-qondyrý jolaǵyna ushý men qonýdy júzege asyratyn múmkindigi bar berik jáne kútimdi asa qajet etpeıtin ushaq retinde tanylyp otyr. Er-toqymdy tartqyshtardyń atalǵan tıpi úlken qashyqtyqtarǵa aýyr shynjyr tabandy áskerı tehnıkany mobıldi almastyrýdy qamtamasyz etedi. Áskerı tehnıkanyń kelip túsken partııasy júk kóterimdiligi 60 jáne 40 tonnaly áskerı tehnıkany tasymaldaýǵa, sondaı-aq, dalalyq jaǵdaılarda temirjol kóligine ony tıeý men túsirýdi júzege asyrýǵa qabiletti. «Qazaqstan Respýblıkasy Qarýly Kúshteriniń Joǵarǵy Bas Qolbasshysy armııanyń matrıaldyq-tehnıkalyq quramdasyna erekshe kóńil bóledi. Jaýyngerlik mashınalar parkiniń jyl saıynǵy jańartylýy  Qazaqstan Qorǵanys mınıstrliginiń ártúrli nysandarynda atqarylatyn arnaıy tapsyrmalardyń sapasy men merzimine eleýli yqpal etedi», - dep 73652 á/b komandıriniń materıaldyq-tehnıkalyq qamtamasyz etý jónindegi orynbasary podpolkovnık Iýrıı Tımchenko atap ótti.   Qazaqstandyq armııanyń jaraqtandyrýyna kelip túsetin jańa tehnıka jaýyngerlik qabilettilik pen utqyrlyqty, jeke quramdy, qarý-jaraq pen áskerı tehnıkany uzaq qashyqtyqqa tasymaldaýǵa múmkindik beredi.