Gandboldan áıelder arasynda alǵashqy chempıonat Qyzylordada ótedi

Qyzylordada gandboldan áıelder arasynda klýbtar lıgasynyń 1-shi Azııa chempıonaty ótedi. Atalmysh sharany Azııa memleketteriniń arasynda alǵash bolyp Qyzylorda oblysy uıymdastyrmaq. Bul týraly QR gandbol federasııasynyń atqarýshy dırektory Ranvır Abdýrashıtov BAQ ókilderine arnalǵan baspasóz-konferensııasynda baıandady. «Gandboldan áıelder arasyndaǵy klýbtar lıgasynyń alǵash ret bizdiń elimizde ótkizilýi tek Qazaqstan úshin ǵana emes, sonymen qatar Azııa memleketteri úshin de úlken jańalyq bolyp otyr. Búgingi kúni bul saıysqa Katar, Iran, О́zbekstan jáne Qazaqstannan jalpy sany 6 komanda qatysady. О́z kezeginde jarysqa qatysýshy komandalardyń barlyǵy da jeńis jolynda laıyqty báseke kórsetedi dep senemiz. Jalpy bul saıystyń Azııa memleketteri arasynda alǵash bop Qyzylorda oblysynda ótkizilýi - bizdiń elimizdegi gandbol sportynyń damý qarqynynyń joǵarǵy dárejede ekendigin baıqatady», - dedi QR gandbol federasııasynyń atqarýshy dırektory Ranvır Abdýrashıtov. 26 qazan - 1 qarasha aralyǵynda ótetin saıysta el namysyn «Almaty», «Ile» jáne qyzylordalyq «Qaısar» komandalary qorǵaıtyn bolady.