Elorda joldarynda kóktaıǵaqqa qarsy reagent qoldanylmaq

Astanada pılottyq joba aıasynda kóktaıǵaqqa qarsy jańa býyn reagenti qoldanylýda. «Astana Tazalyq» JShS ókilderiniń aqparatyna sáıkes, «Aısmelt» hlorly kalsıı negizinde óndiriletin kópquramdy materıal. Onyń basty artyqshylyqtarynyń biri - reagentterdiń ishinde eń kóp shyǵyndalatyndyǵynda. Buǵan qosa, ol kósheni lastamaıdy, jáne taıǵanaýǵa jol bermeıdi, qar nemese muz qabatyna tez jáne tereń sińedi de, jınaǵannan keıin iz qaldyrmaıdy. Durys qoldanǵan jaǵdaıda reagent kóktaıǵaqtyń túzilýine jol bermeıdi. Kóktaıǵaqqa qarsy eki quramdasty (hlorly kalsıı jáne hlorly natrıı) úılestirý esebinen uzaq ýaqyt erýdi qamtamasyz etedi", - dep jazady elorda ákimdiginiń resmı saıty. Ústimizdegi jyly pılottyq jobanyń sheńberinde 1141 tonna reagent paıdalanylady. Aýa raıy jaǵdaılaryna baılanysty jyl saıyn orta eseppen 30-dan 35 myń tekshe metrge deıin qum-tuz qospasy paıdalanylady.