Eýromen aqsha saqtaý tıimsiz - Aqyshev

Eýromen aqsha saqtaý neǵurlym tıimsiz. Bul týraly QR Ulttyq bankiniń tóraǵasy Danııar Aqyshev málimdedi, - dep habarlaıdy banktiń baspasóz qyzmeti. Aqyshev: "Aǵymdaǵy jaǵdaıda shetel valıýtasyna degen halyqtyń saqtalyp otyrǵan suranysy aıtarlyqtaı shyǵyndarǵa ákelý táýekeline ushyraıdy. Teńgeniń AQSh dollaryna qatysty aıyrbastaý baǵamy 2016 jyl boıy qubylmaly boldy jáne onyń aýytqýy 328-den 384-ke deıingi shekte boldy. Biraq ótken jyly 6 paıyzǵa álsiregen eýroǵa salym ınvestısııalaýdyń neǵurlym tıimsiz strategııasy boldy, onyń teńgege qatysty aýytqýy jyl boıy 343-ten 418-ke deıingi shekte boldy", - dep atap ótti. Sondaı-aq, Ulttyq banktiń tóraǵasynyń málimetinshe, ishki valıýta naryǵyndaǵy ahýal turaqty bolyp otyr. Baǵamnyń eki jaqqa kúndelikti aýytqýy qalypty shekter sheńberinde boldy. Jeltoqsannyń sońynda teńgeniń  bırjalyq baǵamy bir aıda 2,4 paıyzǵa (jyl basynan bastap 2 paıyzǵa) nyǵaıyp, bir AQSh dollary úshin 333,29 teńgeni quraǵan. Ol halyq arasynda júrgizilgen pikirterim onyń devalvasııalyq kútýleriniń keıbir tómendeýin kórsetkendigin atap ótti. Oǵan qosa, respondentterdiń úshten bir bóligi munaı baǵasynyń serpinin turaqty túrde baqylap otyrady. "Osyǵan  qaramastan, ótken  jyldyń jeltoqsanynda valıýta naryǵyna kásibı qatysýshylardyń, sondaı-aq halyqtyń is-áreketin tıimdi boldy dep aıtýǵa bolmaıdy. Munaıǵa degen álemdik baǵanyń 13 paıyz ósýinen týyndaǵan teńgeniń nyǵaıýy aıasynda shetel valıýtasyna degen suranys joǵary boldy", - dedi  Ulttyq bank basshysy.