Qazkom japonııalyq tólem kartalarǵa qyzmet kórsete bastady

Dúnıejúzilik qys Ýnıversıadanyń qarsańynda Qazkommersbank (QAZKOM) pen Japonııadaǵy tólem kartalardyń eń iri emıtenti men ekvaıeri sanalatyn JCB Co., Ltd. (JCB) kompanııasy Qazaqstanda JCB kartalardy qabyldaý jobasyn iske qosty, dep jazady abctv.kz. Visa jáne Master Card, sondaı-aq China Union Pay (QHR), American Express pen Diners Club (AQSh) tólem kartalaryna qyzmet kórsetetin Qazkommersbank endi óziniń ekvaırıngtik jelisi arqyly japondyq JCB júıesiniń tólem kartalaryn qabyldaıtyn bolady. Bul álemniń túrli elinen Ýnıversıadaǵa keletin jankúıerlerdiń, solardyń ishinde japon elinen keletin qonaqtarǵa jaılylyq beredi. Ýnıversıadaǵa shamasy 30 myń sheteldik týrıst keledi dep boljanǵan. «Biz túrli halyqaralyq tólem júıelerimen yntymaqtastyq qurýǵa daıynbyz jáne memlekettiń Qazaqstannyń týrıstik potensıalyn damytý umtylysyn qoldaımyz. Biz Ýnıversıadanyń, sondaı-aq EXPO-2017-ge kelgen qonaqtaryna ózin erkin, ári jaıly sezinýge múmkindik berý úshin Qazkom-nyń ekvaırıng júıesiniń múmkindigin keńeıtýdi jalǵastyramyz», – dedi Qazkom-nyń basqarýshy dırektory Nurlan Jaǵyparov. Al, «JCB International Eurasia» JShS-niń bas dırektory Takashı Sýetsýgý (Takashi Suetsugu) atalǵan ýaǵdalastyq Ortalyq Azııada JCB kartalaryn qoldaný aıasynyń keńeıe túsetinine senimdilik bildirdi. «Bul aımaqtyń JCB kompanııasy úshin strategııalyq mańyzy zor. Álem boıynsha JCB kartalaryn ustaıtyn paıdalanýshylardyń, ásirese Reseıden, Qytaıdan jáne Japonııadan Qazaqstanǵa keletin klıentterdiń suranysyn oryndaıdy. Bizdiń qarym-qatynasymyz Qazaqstanda kartalyq tólemder kóleminiń ósýine jáne týrızmniń damýyna oń yqpal etip, álem boıynsha JCB karta ustaýshylary úshin óte qolaıly bolmaq», – dedi. Qazkommersbanktiń japondyq JCB júıesimen qarym-qatynasy Discover Financial Services kompanııasy arqyly ornady. Atalǵan kompanııa 2006 jyldan beri AQSh-ta Discover jelisinde JCB kartalardyń, al Japonııada JCB jelisinde Discover kartalarynyń qabyldanýyn qamtamasyz etedi. Discover Financial Services kompanııasynyń fılıaly - ózara esep aıyrysýmen aınalysatyn Discover Global Network óz jelisinde Qazkommersbankke tıesili barlyq saýda jáne servıstik kásiporyndarynda JCB kartalaryn paıdalaný úshin barlyq jaǵdaı jasaıdy. Bank úshin tólem júıesiniń jańa brendi retinde JCB-nyń jelisine qosylýy naryqta jańa múmkindikterdi, al JCB kompanııasy úshin onyń kartalaryn ustaıtyn 95,6 mln klıentke Qazaqstanda tólem júrgizgende kartany paıdalanýǵa múmkindik beredi. Álemniń 21 elinde shyǵarylǵan barlyq JCB-kartalary endi Discover Global Network arqyly Qazaqstan aımaǵyndaǵy «Qazkommersbanktiń» AQ jelisinde qabyldanatyn bolady.