Teńdeı jaǵdaıda ári birdeı kólemde

19 naýryz, senbi kúni Ortalyq saılaý komıssııasynda  2011 jylǵy  3 sáýirge taǵaıyndalǵan  Qazaqstan Respýblıka­sy­nyń  kezekten tys prezıdenttik saılaýyndaǵy aqparattyq daý­lardy qaraý jónindegi Qoǵamdyq keńestiń kezekti oty­rysy bolyp ótti. Oǵan EQYU/DIAQB men TMD mıssııa­larynyń baıqaýshylary, sondaı-aq «Qazaqstan Respýb­lı­ka­synyń  kezekten tys prezıdenttik saılaýyn baıqaý jónindegi respýblıkalyq qoǵamdyq komıssııasy» RQB-niń baıqaý­shylary qatysty. Otyrysta keńes músheleri Ortalyq saılaý komıssııasynyń Baılanys jáne aqparat mınıstrligimen birlesip júrgizip otyr­ǵan BAQ-tar monıto­rıngi­niń aralyq qorytyndylaryn tal­qylady. Monıtorıng 53 baspa basylymdaryn, 11 res­pýb­lı­kalyq telearnany, 6 aqparattyq agenttikti jáne 11 meılinshe tanymal qoǵamdyq-saıası ınter­net-resýrstardy qamtıdy. Monıtorıng málimetterine qara­ǵan­da, 3-16 naýryz aralyǵynda    baspa basylymdarynda  prezıdenttikke kandıdattar J.Ahmetbekov týraly – 110, M.Eleýsizov týraly – 101, Ǵ.Qasymov týraly – 96, N.Nazarbaev týraly 129 materıal jarııalanǵan. Al atal­ǵan kúnder ishinde respýb­lı­ka­lyq telearnalar efırine prezıdenttikke kandıdattar J.Ahmetbekov boıynsha – 148, M.Eleý­sizov boıynsha – 163, Ǵ.Qasymov boıynsha – 161, N.Nazarbaev boı­ynsha  108 materıal shyqqan. Materıaldardyń jalpy sany­nyń 51 paıyzy «Habar» jáne «Qazaqstan» telearnalarynyń enshisine tıedi. Kandıdattardyń telearnalar efıriniń jańalyqtar blogy aıa­synda kandıdattardyń qyzmetin jarııa etýge arnalǵan sıýjetter ýaqytynyń uzaqtyǵyna kelsek, ol J.Ahmetbekov jóninde 24 paıyzdy, M.Eleýsizov týraly 27 paıyzdy, Ǵ.Qasymov týraly  28 paıyzdy, N.Nazarbaev týraly 21 paıyzdy quraǵan. Monıtorıng júrgizý barysynda kandı­dat­tardyń kásibı qyzmetine baı­la­nysty materıaldar da esepke alynady. Elbasy óziniń óki­let­tikterin saılaý naýqany bary­synda da atqarýy tıis ekenin  eskersek,   mundaı materıaldyń kóbi Is basyndaǵy Prezıdenttiń qyzmetine arnalǵany   túsinikti. Osydan biraz ýaqyt buryn OSK-ge kandıdattar M.Eleýsizov pen  Ǵ.Qasymov saılaýaldy úgit sharalaryna arnalǵan bılbord­tar­dy ornalastyrýǵa baılanys­ty ótinish bildirgen bolatyn. Ortalyq saılaý komıssııasy úmitkerlerge bul máselege qol­daý kórsetý týraly sharalar qa­byldady. Qazirgi ýaqytta osy eki kandıdattyń saılaý qorlary qarajaty esebinen olardyń 100-den astam bılbordtary daıyn­dalyp, olar Almaty jáne Astana qalalary men elimizdiń ózge de óńirlerinde ornalastyryldy. Otyrysta Qoǵamdyq keńes Ortsaılaýkomǵa BAQ-tardyń úgit naýqanyn jarııalaý jónin­degi jumysynda oryn alǵan kemshilikterge qatysty usynystar da bildirdi. Mysaly, «Ýkrainski novını» gazetinde Qazaqstan Res­pýblıkasynyń prezıdenttigine kandıdattardyń saılaýal­dy tuǵyrnamalarynyń «Saı­laý­shylardy aqparattandyrý maq­satynda» degen redaktorlyq  alǵysózben maqala jarııa­la­nýy­na baılanysty Ortalyq saılaý komıssııasyna  osy máseleni sheshý  úshin prokýratýra organ­daryna júginýdi usyndy. Sonymen qatar, «Izvestııa-Kazahstan» gazetinde «Za vy­bornost akımov ı sýdeı» degen taqyrypta maqala jarııalanǵan edi. Maqala prezıdenttikke kandıdat M.Eleýsizovke arnalǵan. Maqalanyń birinshi azat­ jo­lynda prezıdenttikke kandıdat  J.Ahmetbekovtiń aty-jóni ata­lady. Osyǵan baılanysty kandıdattar M.Eleýsizov te, J.Ahmetbekov te maqalany teriske shyǵarý jóninde ótinish bildirmegen. Qoǵamdyq keńes «Izvestııa-Kazahstan» gazetine atalǵan materıaldy  teriske shyǵarý tý­ra­ly maqala jarııalaýdy usyn­dy. «Astana» telearnasy 13 naýryzda  prezıdenttikke kandıdat  J.Ahmetbekovtiń úgittik rolıkterin efırge shyǵarǵan eken. Al qarjylandyrý kózi týraly aqparat kórsetilmegen bul rolık 7 ret kórsetilgen. Osyǵan oraı Qoǵamdyq keńes qarjylandyrý kózderi týraly máselelerdi boldyrmaý maqsatynda barlyq telearnalarǵa úgit materıal­darynyń shyǵarylýyn qarjy­lan­­dyrý kózderi týraly máli­metterdi jarııalaý qajettigin eskertti. – Barlyq kandıdattar úshin BAQ-tarǵa teń qol jetkizý ta­laby, jalpylaı alǵanda,  oryn­dalyp otyr degen tujyrym jasaýǵa bolady, – dedi oty­rysta Ortalyq saılaý komıs­sııasynyń múshesi, Qoǵamdyq keńestiń tó­r­aıymy Lázzat Sú­leımen. – Baspa jáne elek­tron­dy BAQ-tarda kan­dıdattardyń qyzmetin jarııalaý teń jaǵ­daı­da jáne shamamen teń kólemde júr­gizilip keledi. Álısultan QULANBAI.