Qazaqstan Respýblıkasy Tabıǵı monopolııalardy retteý agenttiginiń buıryǵy №120-NQ

2010 jylǵy 20 sáýir                          Astana qalasy «Ýaqytsha ótemdik tarıf (baǵa, alym stavkasyn) bekitý erejesin bekitý týraly» Qazaqstan Respýblıkasynyń Tabıǵı monopolııalardy retteý jáne básekelestikti qorǵaý jónindegi agenttigi tóraǵasynyń 2003 jylǵy 26 jeltoqsandaǵy № 341-NQ buıryǵyna ózgerister men tolyqtyrýlar engizý týraly «Tabıǵı monopolııalar jáne retteletin naryqtar týraly» Qazaqstan Respýblıkasy Zańynyń 14-1-babyna jáne Qazaqstan Respýblıkasy Úkimetiniń 2007 jylǵy 12 qazandaǵy № 943 qaýlysymen bekitilgen Qazaqstan Respýblıkasy Tabıǵı monopolııalardy retteý agenttigi týraly erejeniń 21-tarmaǵynyń 6) tarmaqshasyna sáıkes buıyramyn: 1. «Ýaqytsha ótemdik tarıf (baǵa, alym stavkasyn) bekitý erejesin bekitý týraly» (Normatıvtik quqyqtyq aktilerdi memlekettik tirkeý tiziliminde № 2656 tirkelgen) Qazaqstan Respýblıkasynyń Tabıǵı monopolııalardy retteý jáne básekelestikti qorǵaý jónindegi agenttigi tóraǵasynyń 2003 jylǵy 26 jeltoqsandaǵy № 341-NQ buıryǵyna mynadaı ózgerister men tolyqtyrýlar engizilsin: kórsetilgen buıryqpen bekitilgen ýaqytsha ótemdik tarıf (baǵa, alym stavkasyn) bekitý erejesinde: 6-tarmaqta: 1) tarmaqsha mynadaı mazmunda jazylsyn: «1) tarıfterdi (baǵalardy, alymdar stavkalaryn) nemese olardyń shekti deńgeılerin zańsyz kóterý;»; 1-1) tarmaqshada «tarıftik smetada kózdelgen» degen sózder alyp tastalsyn; mynadaı mazmundaǵy ekinshi bólikpen tolyqtyrylsyn: «Salystyrmaly taldaý ádisin qoldana otyryp, tarıf qoldanysqa engen kúnnen bastap ýákiletti organ óńirlik elektr jelilik kompanııasyna ýaqytsha ótemdik tarıf bekitý týraly sheshimdi osy tarmaqtyń 1), 1-1) tarmaqshalarynda kózdelgen jaǵdaılarda ǵana qabyldaıdy.»; 7-tarmaqta: 1) tarmaqsha mynadaı mazmundaǵy abzaspen tolyqtyrylsyn: «shyǵyndardy ońtaılandyrý;»; ekinshi bóliginde «shyǵynnyń únemin» degen sózderden keıin «kórsetilgen únemdi naqty paıdalanýdy rastaıtyn materıaldardy qosa bere otyryp,» degen sózdermen tolyqtyrylsyn; mynadaı mazmundaǵy 7-1-tarmaqpen tolyqtyrylsyn: «7-1. Shyǵyndardy ońtaılandyrý nemese rettelip kórsetiletin qyzmetterdi usynýdyń neǵurlym tıimdi ádisteri men tehnologııalaryn qoldaný nátıjesinen týyndaǵan, tarıftik smetaǵa salynǵan shyǵyndardyń bóligin túbegeıli paıdalanbaǵan kezde tabıǵı monopolııa sýbektisi bul shyǵyndardy ýákiletti organǵa rastaýshy materıaldardy usyna otyryp jańa óndiristik aktıvterdi jasaýǵa, keńeıtýge, qalpyna keltirýge, jańartýǵa, qoldaýǵa, qaıta qurýǵa jáne tehnıkalyq qaıta jaraqtandyrýǵa jibere alady.». 2. Qazaqstan Respýblıkasy Tabıǵı monopolııalardy retteý agenttiginiń Strategııalyq josparlaý jáne jıyntyq taldaý departamenti (L.S. Ermakalıeva) osy buıryqtyń Qazaqstan Respýblıkasynyń Ádilet mınıstrliginde zańda belgilengen tártippen memlekettik tirkelýin qamtamasyz etsin. 3. Qazaqstan Respýblıkasy Tabıǵı monopolııalardy retteý agenttiginiń Ákimshilik jumysy departamenti (E.O.Esirkepov) osy buıryqty Qazaqstan Respýblıkasynyń Ádilet mınıstrliginde memlekettik tirkeýden ótkennen keıin: 1) ony resmı buqaralyq aqparat quraldarynda zańda belgilengen tártippen jarııalaýdy qamtamasyz etsin; 2) ony Qazaqstan Respýblıkasy Tabıǵı monopolııalardy retteý agenttiginiń qurylymdyq bólimsheleri men aýmaqtyq organdarynyń nazaryna jetkizsin. 4. Osy buıryqtyń oryndalýyn baqylaý Qazaqstan Respýblıkasy Tabıǵı monopolııalardy retteý agenttigi tóraǵasynyń orynbasary Q.M.Smaǵulovqa júktelsin. 5. Osy buıryq resmı jarııalanǵan kúninen bastap qoldanysqa engiziledi. Tóraǵa N.ALDABERGENOV Buıryq Qazaqstan Respýblıkasynyń Ádilet mınıstrliginde 2010 jylǵy 20 mamyrdaǵy Normatıvtik quqyqtyq kesimderdi memlekettik tirkeýdiń tizilimine №6210 bolyp engizildi.