Alǵashqy esepti dúısenbide beredi

Keshe Ortalyq saılaý komıssııasynyń tóraǵasy Qýandyq Turǵanqulov EQYU Parlamenttik Assambleıasynyń Horvatııa parlamentiniń depýtaty Tonıno Pısýla bastap kelgen delegasııa múshelerimen kezdesti. OSK basshysy delegasııa mú­she­lerin Ortalyq saılaý komıs­sııa­syn prezıdenttik saılaýdy ázir­leý men ótkizý boıynsha at­qaryp jatqan jumystarymen ta­nystyrdy. Sondaı-aq saılaý naý­qanynyń keıbir erekshelikterinen, saılaý komıssııalaryn qa­lyptastyrýdyń zańmen belgilengen tártibinen, prezıdenttikke kan­dıdattardyń saılaýaldy úgit júrgizý máselelerinen habardar etti. Olar tarapynan qoıylǵan bir­qatar suraqtarǵa jaýaptar qaıtardy. Tonıno Pısýla OSK basshy­ly­ǵyna saılaýaldy sharalarǵa jasalǵan jan-jaqty sholý men kórsetilgen ádistemelik kómekter úshin rızashylyǵyn bildirdi. EQYU-nyń Parlamenttik Assam­bleıa­sy búkil EQYU keńisti­gin­degi saılaýlardy baıqaýdy maq­sat tutatynyn atap ótti. «Delegasııa músheleriniń basym kóp­shi­liginiń saılaýlardy baıqaýda aı­tarlyqtaı tájirıbeleri bar, – dedi delegasııa basshysy. – Qa­zaq­standaǵy demokratııalyq úde­rister biz úshin asa mańyzdy jáne kezekten tys prezıdenttik saı­laý­dy uzaq merzimdi baıqaý boı­yn­sha alǵashqy esepti biz dúı­senbide, 4 sáýir kúni beretin bo­lamyz». – EQYU Parlamenttik Assam­bleıasynyń ókilderi Qazaqstan­da­ǵy barlyq elektoraldyq naýqan­dardy baıqaýǵa qatysyp keledi, – dedi OSK tóraǵasy kezdesý so­ńynda. – Bergen baǵalary ár­qa­shan obektıvti boldy. Biz demo­kratııalyq jáne ashyq saılaýdy qamtamasyz etý úshin úlken jumys atqardyq. Sondyqtan bar­lyǵymyz da saılaýdy baı­qaýdyń adal ári ádil bolýyna múddelimiz.