Azamattyq belsendilik tanytar tus

Aldymyzdaǵy 3 sáýir kúni ótetin prezıdenttik saılaýǵa qazaqstandyqtardyń báriniń birdeı qatysyp daýys berýiniń mańyzdylyǵy men qajettiligi nede? Árıne, bul saýalǵa árkim óz oı-órisi pen parasat-paı­y­my turǵysynan jaýap qaı­ta­rary kámil. Meniń oıymsha, qandaı saılaý bolsa da, oǵan belsendi túrde qatysyp daýys berý – ár qazaqstandyqtyń azamattyq paryzy. Qoǵamnyń ár múshesi saılaý úderisterine qatysýdyń mańyzdylyǵyn osy turǵydan túsinse, sóz joq, biz órkenıet bıigine birtaban jaqyndaı alamyz. Bul joly biz respýblıka prezıdentin saılaǵaly otyr­myz. Álginde aıtyp ótke­nim­deı, azamattyq belsendiliktiń shoǵyn úrleıtin kezeń bul. Taǵdyrdyń jazýy shyǵar, búgin­de Qazaqstanda ár túrli ulttar men konfessııalardyń ókilderi turady. Olardyń jas mól­sher­leri de ár túrli. Soǵan qara­mastan, olardyń báriniń basyn biriktirip, bir arnaǵa toǵys­tyratyn bir ǵana basty faktor bar ekeni belgili. Ol – bizdiń egemen elimizge, ortaq úıimiz – Qazaqstan Respýblıkasyna degen mahabbat pen súıispenshilik dep túsinemin. Biz, qazaqstandyqtar aldaǵy bes jylda qalaı ómir súrip, buǵan qajetti materıaldyq ıgilikterdi qalaı jasaı alamyz? Mine, osyndaı oı men sharýaqorlyq sheńberine saı iske asatyn qa­damdar jelisi de otandastary­myzdy biriktirýge tıis. Biriktire alatyny da basy ashyq aqıqat. Mundaı ómirlik mańyzy bar máselelerdiń basty sheshimi prezıdenttik saılaýǵa, oǵan respýblıka azamattarynyń tegis qatysýyna baılanysty ekeni de talas tý­ǵyzbaıdy. Búgingi kúni elimizde táýelsizdik pen ulttyq memlekettilikti nyǵaıtý jolynda da ulan-ǵaıyr ister atqarylyp keledi. Osy asa jaýapty saıası-tarıhı mıssııa aıaǵyna deıin tolyq jetýi úshin de prezıdenttik saılaýǵa qatysyp daýys berýimizdiń qajettiligi aıryqsha. Keshe Oral qalasy ákim­di­gin­de úkimettik emes uıym­dar­dyń ókilderimen ótkizilgen kez­desýde de men osy oılarym­dy kópshilikpen bólisken edim. Kúnine qyryq qubylatyn kók­temgi aýa raıy turǵyndardyń saılaý ýchaskelerine kelýine kedergi keltirmeýi kerek. Bul turǵyda jergilikti atqarýshy organdar tarapynan oblysta jáne qalada barlyq sharalar belgilengeni kezdesý kezinde aıtyldy da. Endigi másele tek turǵyndardyń ózderine baıla­nysty. Prezıdenttik saılaýǵa neǵurlym kóbirek qatysyp, daýys berý arqyly biz ózi­mizdiń taıaýdaǵy keleshegimizdi aıqyndaı alatynymyzdy esten shyǵarmaıyq degim keledi barlyq otandastaryma. Aıgúl TÝRKINA, Batys Qazaqstan oblysyndaǵy Azamattyq alıanstyń jetekshisi. Oral.