Malǵa baı Moıynqum kásiporyndarǵa da keneldi

Moıynqum myńǵyrǵan malymen ǵana baı emes, búginde órkendegen ónerkásibimen de basqalardan moıny ozyp tur. Oǵan osy óńir­den birinen keıin biri salynyp jatqan iri ká­siporyndardyń menmundalaǵan muna­ra­lary kýá. О́tken jyldyń aıaǵynda mun­da sement óndirýmen shuǵyl­da­na­tyn «Myńaral tas kom­pa­nııasy» JShS óńirdegi asa iri se­ment zaýytyn iske qosqan bo­latyn. Sóıtip alǵashqy qar­qynmen 35 myń tonna sement óndirilip, satyldy. Biraq keıbir sebepterge baılanysty zaýyt jumysy eki aıǵa toqtap qaldy. Bul, árıne, qulaqqa jaǵymsyz jáıt. Ásirese, oblys aýmaǵynan «Batys Eýropa–Batys Qytaı» avtomagıstraly salynyp jat­qan kezde paıdalanýǵa jańa ǵana berilgen sement zaýy­ty­nyń toqtap turýy eshqandaı aqylǵa syımaıtyn is bolatyn. Osy jobaǵa Myńaral sementin múmkindiginshe mol ótkerýge kúsh salyp otyrǵan JShS men oblys basshylary máselege jaýapkershilikpen qaraýynyń ar­qa­synda túıin sheshilip, zaýyt sáý­ir aıynyń alǵashqy kúninen bastap tolyq qýatynda jumys is­teı bastamaqshy. Sóıtip al­dyn-ala ja­sal­ǵan jospar boıyn­sha bıyl barlyǵy 250-300 myń tonna sement óndirilip, ótkeril­mek. «Myńaral tas kompanııasy» JShS sonymen birge, ónimderin oblystan tys jerlerge de shy­ǵar­maq. Ol úshin óz tasymal qu­ral­daryn paıdalanýdy kózdegen kásiporyn búginge deıin 95 vagon satyp alsa, endi 130 vagondy kútip otyr. Búginde «Myńaral tas kompa­nııasy» JShS-da 500 jumysshy eńbek etedi. Kún jylysymen olar­dyń sany budan da arta tús­pek. Demek jumysshylarǵa jaǵ­daı jasaý – jaýapty mindetterdiń biri. Sondyqtan bolar, qazir mun­da úsh qabatty 6 úı salynyp ja­tyr. Olar kúzge deıin zaýyt ju­mys­shylarynyń ıgiligine usynylmaq. Al ındýstrııalyq-ınnovasııa­lyq damý baǵdarlamasy sheńbe­rin­de qolǵa alynǵan Hantaý sement zaýyty qurylysynyń toq­tap turǵanyna jyldan asqan. Ja­qynda bul máseleniń túıini de sheshimin tapty. Buǵan deıin 70% daıyn bolǵan zaýyt qu­ry­lysy endi odan ári jandanbaq. Joba boıynsha Hantaý sement zaýyty jyl aıaǵyna qaraı óz ónimin shyǵara bastaıdy. Moıynqumdaǵy Qııaqty aýylynyń mańynda granıt sehy da jumys isteýde. Onyń ıesi «Al-Basar» JShS bolyp tabylady. Seh qazir bordıýr shyǵarýmen aınalysýda. Minekı, aty ańyzǵa aı­nal­ǵan «malshylar marshaly» Ja­zylbek atamyzdyń tusynda aq­tyly qoılarymen aty shyqqan Moıynqum óńiri endi el-jurtynyń baılyǵyn zaman ta­labyna saı alyp kásiporyn­darymen de keneltýde. Budan ındýstrııa ıgiliginiń shalǵaı aýyldarǵa da jete bastaǵanyn anyq baıqaýǵa bolady. Kósemáli SÁTTIBAIULY. Jambyl oblysy, Moıynqum aýdany, Myńaral aýyly.