Ǵalamtor múmkindigin paıdalanǵan nasıhat

Keshe prezıdenttikten úmitker, Qazaqstannyń Pat­rıottar partııasynyń serkesi Ǵanı Qasymov «BNews.kz» aqparat agenttiginiń stýdııasynda ınternet jelisinde beıne-konferensııa ótkizdi. Aldymen Ǵanı Esenkeldiuly óziniń saılaýaldy tuǵyrnamasymen tanysty­ryp, saılaýshylarmen kezdesýlerinde kópshilik tarapynan aıtylǵan tilekterge de toqtalyp ótti. Sodan keıin saýal­dar­ǵa jaýap bergen úmitker osyǵan deıingi prezıdenttik saılaýǵa túskende, jastaý bolsam, qazir eseıdim, buryn «Jalǵyz shapqannyń dúbiri shyqpas» de­gendeı, jalǵyz edim, al endi osy saılaýda meni qoldaǵan partııalastarym boldy. Bul, árıne, bizdiń partııamyz úshin óte mańyzdy. Alda parlamenttik saılaýlar ótkende de partııaǵa osy jı­naǵan tájirıbe kómegin tıgizetin bolady, dedi. – Osy jolǵy saılaýaldy úgit-nası­hat jumystarynan úmitkerlerdiń biri­niń bas tartýy durys bolmady. Osyndaı jaǵdaıda qal­ǵan úsheýmiz de teledıdardan beriletin pikirtalastan bas tartýymyzǵa týra keldi. Saılaýǵa tórt úmit­ker túskendikten, úsheý­­mizdiń ǵana baryp jýr­nalısterdiń qoı­ǵan saýaldaryna jaýap berýimiz orynsyz kóri­netin boldy, al negizinde qaı kandıdatty da barlyq kórermen­der­diń tyńdaýy, oı túıýi qalypty kóriner edi. Kelesi jolǵy saılaýda zań­namalyq turǵyda osyny bekitý qajet. Teledıdardan pikirtalastar mindetti túrde ótkizilýi tıis dep sanaımyn, – dedi Ǵ.Qasymov. Sodan keıin óziniń kezdesýler ótkizgende halyqtyń kóńil kúıine qatty kóńil bólgenin aıtty. Bir baıqaǵanym, eshqashan oryndalmaıtyn ýáde berýge bolmaıdy, ol býmerang retinde betińe qaıtyp soǵýy múmkin, degen Ǵanı Esenkeldiuly aldyn ala bnews.kz portalynda úmitkermen on­laın konferensııa bo­la­dy degenge habar­la­nyp, suraqtaryn jol­da­ǵan ınternet paı­da­lanýshylardyń qoıǵan saýaldaryn da jaýap­syz tastaǵan joq. Olar da túrli taqyryptarǵa baǵyttalǵan eken. Biri – agrarlyq sektordy reformalaý qandaı ba­ǵytpen júrgizilýi tıis? – dese, ekinshisi – «Baı qudaı bolsam deıdi» degendeı, Qazaqstan olıgarhtary qudaı bola ma álde olardyń múıizderin qaıyrýdyń amaly bar ma, eger prezıdent bolsańyz osylarmen qalaı kúreser edińiz? – dep suraıdy. Barlyq saýaldarǵa jaýap bergen prezıdenttikten úmitker erteńgi saılaýda elin súıetin patrıottarǵa eldiń senip daýys beretinine óziniń senetindigin bildirdi. Anar TО́LEÝHANQYZY. Astana.