Durys tańdaý adastyrmaıdy

Oblys ortalyǵynda “Nur Otan” halyqtyq-demokra­tııa­lyq partııasy bastamasymen qurylǵan “Qazaqstan-2020” Jal­pyulttyq demokratııalyq kúshter koalısııasynyń mú­she­leri men prezıdenttikten úmitker Nursultan Nazarbaevty qoldaý jónindegi respýblıkalyq shtab ókilderi Kereký óńiri – óndiristi óńirdiń jurtshylyq ókilderimen kezdesýler ótkizdi. Oblysqa kelgen koalısııa múshe­le­riniń quramynda saıası partııa jetekshileri, eli­miz­diń tanymal qoǵam qaı­ratkerleri, úkimettik emes uıym ókilderi boldy. «Qa­zaq­stan-2020» Jal­pyulttyq demokratııalyq kúsh­ter koa­lısııasyna qoǵamdyq jáne saıa­sı kúshter, mádenıet pen bilim berý salalaryndaǵy bedeldi de belgili tulǵalar mú­she ekeni belgili. Búginde demokratııalyq kúshter koa­lı­sııasy bas biriktire oty­ryp, elimizde júzege asy­ry­lyp jatqan saıası úderis­ter­ge, áleýmettik jáne ekonomı­kalyq jetistikterge qoldaý kórsetip keledi. Oblys or­talyǵyndaǵy «Astana» dep atalatyn sporttyq keshen ǵımaratynda ótken kezdesýde respýblıkalyq qoǵamdyq shtabtyń tóraǵasy, “Nur Otan” HDP Tóraǵasynyń birinshi orynbasary Nurlan Nyǵmatýlın sóz sóıledi. «Al­daǵy saılaýǵa judy­ryq­taı jumylyp qatysý, ony abyroımen ótkizý – árbir qazaqstandyqtyń mindeti, – dep atap ótti ol. – Al Pavlodar oblysy bolsa, elimizdegi negizgi ındýstrııalyq oblys­tar­dyń birinen sanalady. Pre­zıdenttikke kandıdat Nur­­­sul­tan Nazarbaev ón­diristi ob­lys­qa erekshe nazar aýdaryp keledi. Sondyqtan, óńir halqy aldaǵy saılaýda Nur­sultan Ábishulyna bir kisideı qoldap daýys beredi dep senemiz». Al top músheleriniń qu­ramyndaǵy “Ádilet” demo­kra­tııalyq partııasynyń tór­aǵasy M.Nárikbaev, Parlament Májilisiniń depýtaty B.Tileýhan, Parlament Sena­tynyń depýtaty Qýanysh Sultanov, Oralbaı Ábdi­kári­mov, Aýǵan soǵysy ardagerleri qaýymdastyǵy tór­aǵa­synyń orynbasary Ba­qyt­bek Smaǵul da óz sóz­derinde alǵashqy pikirdi te­reńdete tústi. Atap aıtqan­da, bul saılaýdyń elimizdiń bolashaǵy úshin mańyzdy eke­ni, san ǵasyrlar Qazaq eliniń basynan qıly ýa­qyttar ót­keni, búginde jaq­sy kúnderge qol jetkizip otyr­ǵanymyz kól­deneń tar­tyl­dy. Aına­la­myz­da bo­lyp jatqan túrli oqı­ǵa­lar­dyń elimizden aýlaq­ta ekeni, biz­diń tynyshtyqty qalaı­ty­nymyz atap kórse­tildi. Top músheleriniń aı­týynsha, olar toqtaǵan ortaq bir pikir bar, ol mynaý: mem­lekettiń taǵ­dy­ry sheshiler syn kezeńde turmyz, muny árbir saı­laýshy uǵyp, tańdaý jasaýda qatelikke jol bermeýi kerek. Tústen keıin “Qazaq­stan-2020” Jal­pyulttyq de­­mokratııalyq kúshter koa­lı­sııasynyń músheleri top-topqa bólinip, oblys orta­lyǵyndaǵy Qazaqstan elek­trolız zaýytynda, Aqsý qalasyndaǵy Eýrazııalyq energetıkalyq korporasııada jumys­shy­­larmen kezdesýler ótkiz­di. Sonymen qatar, top mú­she­leri oblys ortalyǵyn­daǵy Estaı aqyn atyndaǵy mádenıet saraıynda zııaly qaýym ókilderimen kezdesti. Jalpy, kezdesýlerge qa­tysqan 10 myńdaı adam elimizdegi kezekten tys prezıdenttik saılaýda Nursultan Nazarbaevtyń kandıdatýra­syn biraýyz­dan qoldaıtyn­dyqtaryn bildirdi. Farıda BYQAI. Pavlodar.