Uıym mıssııasynyń jetekshisimen kezdesti

Ortalyq saılaý komıssııasynyń tóraǵasy Qýandyq Turǵanqulov Qazaqstan Respýblıkasynyń kezekten tys prezıdenttik saılaýyn baqylaý jónindegi ShYU mıssııasynyń jetekshisi, ShYU Bas hatshysy Muratbek Imanalıevpen kezdesti. Kezdesýde  prezıdenttik saılaýdy ázirleý men ótkizý jóninde áńgime boldy. – Saılaý naýqany zańda kóz­del­gen tártip boıynsha kezeń-kezeńimen ótip keledi, – dedi OSK basshysy Q.Turǵanqulov. – Kandıdattar da ózderiniń saılaýaldy úgit jumystaryn «las» tehnolo­gııa­lardy qoldanbaı, qarqyndy júrgizýde. Búginde saılaý komıs­sııalary daýys berý kúnine jan-jaqty ázirlenip jatyr. Biz bar­lyq saılaý rásimderiniń zańmen belgilengen tártipte ótkizilýin kózdeımiz. Al ShYU mıssııasynyń jetekshisi Muratbek Imanalıev ShYU-nyń belsendi múshesi bolyp tabylatyn jáne bıylǵy jyly uıymǵa tóraǵalyq etip otyrǵan Qazaqstan Respýb­lıka­syndaǵy prezıdenttik saılaýdy baıqaýǵa ShYU mıssııasy belsendi qatysatynyn atap ótti. Sony­men qatar, ol saılaýdy ázirleý barysyna, BAQ-tardyń saılaý naýqanyndaǵy ju­mysyna joǵary baǵa berdi. – Saılaýǵa daıyndyq óte baısaldy jáne muqııat júrgizilip jatqanyna  kózimiz jetip otyr, – dedi M.Imanalıev osy jaıynda. – ShYU mıssııasy óz kezeginde saılaýdy baıqaýdy qazaqstandyq zańnamalar aıasynda, sondaı-aq halyqaralyq ólshemder negizinde júrgizetin bolady. Álısultan QULANBAI.