Qyzylorda oblysynyń 7 aýylynda sport keshenderi salynady

О́tken jyly qyzylordalyq sportshylar respýblıkalyq, halyqaralyq chempıonattardan 742 medal jeńip aldy. Bul týraly búgin oblystyq kommýnıkasııalar ortalyǵynda oblystyq dene shynyqtyrý jáne sport basqarmasynyń basshysy Sadyq Mustafaev málim etti, dep habarlady oblys ákimdiginiń baspasóz qyzmeti. Syr sportshylary el chempıonattarynda 695 medal taqqan. Olardyń 203-y altyn, taǵy 203 kúmis júlde bar. Qalǵan 289-y qola medal.  Al Azııa, álem chempıonattarynan bizge buıyrǵany 47 medal.  Onyń 17-si altyn, 13-i kúmis jáne 17 qola. О́tken jyldyń qorytyndysy boıynsha oblysta dene shynyqtyrý jáne sportpen shuǵyldanýshylar sany  203 594 adamǵa jetti. Oblys aýmaǵynda sportshylar daıyndyǵyn shyńdaıtyn 21 mektep bar. «Qysqy sport túrlerin damytý maqsatynda oblysta short-trek bólimshesi ashyldy. Qazir onda 42 bala daıyndalyp jatyr.  Sonymen qatar, aımaqta sporttyq qurylyǵylarǵa qoljetimdilik artty. Sońǵy 3 jylda 9 sport kesheni paıdalanýǵa berilse, bıyl Eńbekshi, Janqoja batyr, Mádenıet, Aqjarma, Túgisken, Sekseýil jáne Tóretamda oblys bıýdjeti esebinen sport keshenderi salynady», - dedi basqarma basshysy.