О́skemende 28-shi Dúnıejúzilik qysqy ýnıversıadanyń Alaýy tutandy. О́ńirdiń 60-qa jýyq tańdaýly sportshylarynan quralǵan alaýgerler eki saǵat ishinde 12 shaqyrymdy júrip ótpek.
О́skemendegi S.Amanjolov atyndaǵy ýnıversıtettiń aldynan bastaý alǵan Ývıversıada Alaýyn tutatý rásimine Olımpıada chempıony Olga Rypakova bastaǵan óńir sportshylary qatysty.
- Búgin kópten kútken sport merekesi. Bedeldi halyqaralyq sport básekesiniń bizdiń elde ótkizilýi – barsha Qazaqstan halqy úshin zor maqtanysh, shyn mánindegi tarıhı oqıǵa. Álem elderiniń beıbitsúıgish Qazaqstan halqyna degen zor seniminiń dáleli. Dúnıe júzi halqyn dostyq pen tatýlyqqa shaqyrǵan Elbasymyz Nursultan Nazarbaevtyń álemdik arenadaǵy abyroıy men bedeli. Biz aldaǵy sporttyq jarystarda el namysyn qorǵaıtyn sportshylardyń tórtten birin bizdiń oblys sportshylary quraıtynyn maqtan tutamyz, - dedi Ýnıversıada alaýyn birinshi bolyp tutatqan oblys ákimi Danıal Ahmetov.
Aımaq basshysy alaý estafetasyn Olımpıada chempıony, belgili jeńil atlet Olga Rypakovaǵa tapsyrdy. Dál qazir О́skemen kóshelerin aralap júrgen alaýdy eskek esýshi Ekaterına Smırnova Ertis ózeni arqyly alyp ótedi. Alaý eń sońynda «Altaı» voleıbol klýbynyń úzdik oıynshysy, Almatyda ótetin Ýnıversıadanyń ashylý saltanatynda Shyǵys Qazaqstan sportshylaryn bastap shyǵatyn Damır Ákimovke tapsyrylatyn bolady.
Azamat Qasym, «Egemen Qazaqstan»
О́skemen
