Almaty oblysynda byltyr 1056 jańa jumys orny ashyldy

Almaty oblysynda byltyr shaǵyn jáne orta bızneske 57,84 mlrd teńge ınvestısııa quıylyp, 1056 jańa jumys orny ashyldy, dep habarlaıdy QazAqparat. О́ńirlik «Damý» qorynyń málimetterine qaraǵanda, jalpy Almaty oblysynda 2016 jyly qarjylaı qoldaý baǵdarlamalary arqyly 1 208 nesıe alýshyǵa 57,84 mlrd teńge berilgen. Osyndaı qoldaýdyń nátıjesinde «Bıznestiń jol kartasy 2020» baǵdarlamasyna  qatysýshylardyń byltyrǵy tólegen salyǵy 9,6 mlrd teńgege jetti. 2016 jyly Biryńǵaı baǵdarlama aıasynda kásipkerlerdiń 152 jobasy sýbsıdııalaý úshin maquldandy. Ondaǵy nesıelerdiń jalpy somasy 39,04 mlrd teńge. Bul 2015 jylǵy kórsetkishke qaraǵanda 31%- ǵa artyq. Sýbsıdııaǵa ıe bolǵandardyń jalpy sanynyń 73% – aýyl kásipkerleri. Sonymen qatar, «Damý» qorynyń aımaqtyq fılıaly ótken jyly kepildendirýdiń 80 jobasyn bekitip, ol 1,26 mlrd teńgeni quraǵan. Bul kórsetkish 2015 jylǵa qaraǵanda 8%-ǵa artyq. Al ekinshi deńgeıli bankterdiń «Damý» qorynyń kepildigimen berilgen nesıe somasy 2,87 mlrd teńge.