Jastarǵa mahabbat meıramy kerek

Osy kúni jastarymyz ózgeniń qańsyǵyn tańsyq kóretin boldy. Al ondaı mereke ózimizde bolsa nesi bar. Iá, mahabbatqa da bir me­reke kerek-aq. Ras, «Eńlik-Ke­bek» kúni nemese «Qozy men Baıan» kúni bolsyn, joq degende «Ǵa­shyqtar kúnin» atap óteıik dep ártúrli oılar  aıtylyp-aq júr. Al bizdiń oıymyzsha, atalmysh merekeni Mahabbat meıramy dep ataǵan ári ony 15 sáýirde toı­la­ǵan jón sııaqty. Bul jumyr bas­y­myzǵa tap búgin ǵana jumyrtqa salǵan ıdeıa emes. Osydan on­shaq­ty jyl buryn osy jazba ıesiniń qııalyna qaýyrsyn shanshyǵan atal­­mysh oı «Habar» agenttiginiń aty­nan myńdaǵan kó­rer­menniń tal­­qysyna usynylǵan bolatyn. Keıinirek, 2003 jyly «Tań qal­ma­ńyz» jobasynyń negizinde ar­naıy baǵdarlama da túsi­ril­di. Án­shi-kompozıtor Seıfýllın Jol­ba­rysqa arnaıy án de jaz­dyr­ǵan­byz. Sodan beri de Mahabbat meı­ra­myn nasıhattaý jo­lyn­da ar­naıy sharalar uıymdas­tyr­ma­saq ta, osy kún qarsańynda túrli baǵ­darlamalarda mahabbat taqy­ry­byn­da oı qozǵap, kórer­men­ge merekelik kúńil-kúı berýge tyry­syp-aq júrmiz. Osy arada oqyrman, kórer­men qaýymnyń «...nege naýryz, ne­ge mamyr emes» bolmasa «...nege sol sáýir aıynyń 14-i nemese 16-sy­nyń birin belgilemeske» dep saýal tastaýy ábden múmkin-aý. Bizdiń oıymyzsha, mahabbat merekesi sózsiz kóktem mezgilinde bolý kerek. Kóktem – kúlli adamzat úshin sezimniń, shýaqtyń, shabyt­tyń, ıaǵnı mahabbattyń sınonımi sekildi. Al sáýirdi tańdaýymyzdyń bir sebebi, bul aıda ǵaryshkerler kúninen basqa birde-bir eleýli mereke joq. Sáýirdiń 15-juldyzyn tańdaýy­m­yz­dyń taǵy bir sebebi, bul kún kóktemniń bel ortasy. Sım­vol­dyq jaǵynan kóńilge qonymdy. Iá, mahabbat meıramyn aıtý­ly dataǵa aınaldyryp, aýqymdy túr­de atap ótýdiń ýaqyty jetken sııaq­ty. Sezim merekesiniń qajet­ti­gi sol – keýdesinde jul­qynǵan judyryqtaı júregi bar adam ishki lúpilin ózgege jetkizýge yntyq. Al kez-kelgen uıatty pende jan syryn jaıyp salarǵa uıań keleri jáne ras. Qysqasy, sebep kerek. Sal­da­ryn mańda­ıy­nyń baǵy biler... Sonymen mahabbat atty tyl­sym­­nyń jeteginde qyl­shyl­da­ǵan jigitter men ýyljyǵan qyz­dar ǵana júrgen joq. Jeńgeniń aǵaǵa degen tátti nazyn, jardyń súıge­nine degen qushtarlyǵyn, ananyń balaǵa degen sheksiz meıirimin, tip­ti ata­nyń ájege degen syılas­tyǵyn osy uǵymnyń aıasy­nan tys­qary ákete almaısyz. Sol kúni ińkár júrekter jar­qyraı aqtarylyp jatsa, úıde das­tarqan jaıylyp, alańdarda konsertter, saraılarda keshter, telearnalarda dýmandar ótip jatsa nesi bar?! Syılyqqa qazaqsha ashyq­hat­tar, qazaqy kádesyılar jolda­nyp jatsa, shirkin, naǵyz meıram sonda bolar ma edi degen qııaly­myz, anyǵynda baladaı má­pe­lep, bolashaqtyń bir kúninde oń áserine kýá bolsaq degen jos­pary­myz bar. Hosh, sonymen 15 sáýir Mahabbat meıramy bolsyn. Qoldaıyq. Jaqynymyzǵa meıirim syılaıyq sol kúni. Eń bastysy,   dál osy kú­ni, árbir adam óz súıiktisine júrek syry jazylǵan shaǵyn ashyqhat nemese jaýqazynnyń bir shoǵyn syı­lasa, dál osy kúni, árbir er aza­mat óz súıiktisiniń qurmetine kem degende bir kóshet otyrǵyzsa; osy kúni, jurtshylyq ózderine yń­ǵaı­ly ýaqytta, yńǵaıly jerde (alań­darda, stadıondarda) býyn bıi «Qara jorǵany» bılep, merekege jalpyhalyqtyń sıpat berse nur ústine nur bolar edi degen oıdamyz. Aıtpaqshy, mahabbat meı­ramy retinde 15-shi sáýirdi tań­daýy­myz­ǵa ázirge ózimiz ǵana biletin taǵy da bir sebep bar. Osyny tapqan al­ǵash­qy eki adamǵa 77 myń teńgeden eki syıaqymyz bar. (buǵan qatys­ty boljamdaryńyzdy a_sser@mail.ru  elektrondy pochtasyna jiberýge bolady). Serik Abas-shah.