Chehııa – senimdi áriptesimiz

Qazaqstannyń Chehııadaǵy elshiligi Prezıdent N.Á.Nazarbaevtyń bılik tarmaqtary arasynda ókilettikterdi qaıta bólý máseleleri jónindegi Úndeýin jáne «Qazaqstannyń Úshinshi jańǵyrýy: jahandyq básekege qabilettilik» atty Joldaýyn talqylaýǵa arnalǵan dóńgelek ústel ótkizdi. Atalǵan sharaǵa Chehııa Úkimetiniń, Syrtqy ister mınıstrliginiń, aldyńǵy qatarly taldaý ortalyqtarynyń, iskerlik toptarynyń ókilderi qatysty. Bul týraly Qazaqstan Syrtqy ister mınıstrliginiń baspasóz qyzmeti habarlady. Elimizdiń Chehııadaǵy Tótenshe jáne ókiletti elshisi Serjan Ábdi­kárimov jıynǵa qatysýshylarǵa eli­mizdegi demokratııalyq ózgeris­terge jáne Qazaqstannyń aldaǵy pers­pektıvadaǵy turaqty áleýmettik-ekonomıkalyq damýyn qamtamasyz etýge baǵyttalǵan konstıtýsııalyq reformanyń maqsattary men bıylǵy Joldaýdyń mazmuny týraly tolyq aıtyp berdi. Sonymen qatar, S.Ábdikárimov Qazaqstan men Chehııa arasyndaǵy ser­pin­di damyp kele jatqan ynty­maqtastyq týraly da baıandap, eli­mizdiń BUU Qaýipsizdik Keńesi­niń turaqty emes múshesi qyz­metindegi is-qımyly, Iran ıadro­lyq baǵdarlamasynyń, Ýkraına, Reseı-Túrkııa jáne Sırııa daǵ­da­rys­t­ardyń sheshilýine qosqan úlesi týraly egjeı-tegjeıli aqpa­rat berip, qatysýshylar kóńilin Elbasy Nursultan Nazarbaevtyń halyqaralyq saıasattaǵy róli men bedeline aýdardy. Basqosý barysynda chehııa­lyq árip­tester álem elderiniń jáne Chehııa­nyń Astanada ótetin EKSPO-2017 halyqaralyq kór­mesine qatysýǵa daıyndyǵyna, bıylǵy 1 qańtardan bastap EYDU-ǵa múshe elder úshin 30 kúndik vızasyz rejimniń engizilýine baılanysty qyzyǵýshylyq tanytty. Chehııanyń Qoǵam jáne saıasat ıns­tıtýtynyń dırektory Iа.Mahachek Memleket basshysy Nursultan Nazarbaevtyń prezıdenttik bı­lik ókilettikteriniń birqataryn Parlament pen Úkimetke bólip berý jónindegi dana sheshimin joǵa­ry baǵalap, munyń Qazaqstan saıa­sı júıesiniń turaqtylyǵyna zor áser etetinin atap ótti. Onyń piki­rinshe, bul ózgerister azamattyq ınstıtýttardyń damýyna ońtaı­ly áser etip, nátıjesinde búkil qazaq­standyqtardyń ál-aýqatyn arttyrýǵa jaǵdaı týǵyzady. «Vaslav Klaýs ınstıtýtynyń» dırektory I.Veıgl Qazaqstannyń energetıkalyq jáne ónerkásiptik-ekonomıkalyq zor áleýetke ıe ekenin, elimizdiń eýrazııalyq keńis­tikte mańyzdy ról oınaıtynyn, Nursultan Nazarbaevtyń basshy­lyǵynyń arqasynda respýblı­kamyzda ornyqty damý men turaq­tylyq saqtalyp otyrǵanyn atap ótti. Onyń aıtýynsha, atqarylyp jat­qan ıgilikti ister álemdik qoǵam­das­tyqtyń Qazaqstanǵa degen seni­min nyǵaıta túsýde. Chehııa Syrtqy ister mınıstr­ligi Azııa-Tynyq muhıty aımaq­tyq departamentiniń dırektory M.Klepetko Praganyń syrtqy saıa­sa­tynda Qazaqstanǵa basa nazar aýdarylyp kele jatqanyn sóz etti. Ol bul sóziniń dáleli retinde sońǵy kezderi Chehııanyń joǵary resmı tulǵalarynyń Qazaqstanǵa jasaǵan saparlaryn atady. Chehııa Ǵylym akademııasy Shyǵys­taný ınstıtýty dırek­tory­nyń orynbasary O.Klımesh elimizdiń búkil álemdegi orny men bedelin atap kórsetti. Budan bólek, ol Qazaqstannyń Ortalyq Azııa aımaǵyndaǵy kóshbasshy­lyq róline toqtaldy. Sonymen qatar, O.Klımesh Qazaqstanǵa Chehııanyń senimdi áriptes bolyp tabylatynyn jetkizdi. Son­daı-aq, ınstıtýt dırektory Qazaq­stan úshin Chehııa Batys álemin­degi «qaqpa» rólin at­qarýǵa daıyn ekenin de qozǵady. Chehııa Halyqaralyq qatynas­tar ınstıtýtynyń ókili N.Odınsov Prezıdent N.Á.Nazarbaevtyń Reseı men Túrkııa arasyndaǵy qaty­nas­tardy retteýdegi erekshe rólin atap ótti. Onyń pikirinshe, Reseı men Túrkııanyń ózara túsi­nisýi sırııalyq daǵdarystyń sheshilýine múmkindik týǵyzyp, Taıaý Shyǵystaǵy ahýal­dyń shıe­lenisýin tómendetýge áser etetin bolady. Sonymen birge, N.Odın­sov Astananyń álemdik der­ja­va­lardyń barlyǵymen jaqsy qarym-qatynasyn saqtaı otyryp, Eýrazııalyq ekonomıkalyq odaq pen Eýropalyq odaq, sondaı-aq, ShYU men Qytaı arasyndaǵy ınteg­rasııalyq úderisterdiń taptyr­maıtyn býynyna aınalyp kele jatqanyna ekpin berdi. Basqosýǵa qatysýshylar bastama­laryn qoldap, cheh azamattary úshin vızasyz rejimniń engizilgenine alǵystaryn aıtty.