Boksshy Aıdos Erbosynulynyń kelesi qarsylasy belgili boldy

Qazaqstandyq kásipqoı boksshy Aıdos Erbosynulynyń (4-0, 4 KO) kelesi qarsylasy anyqtaldy. Bul týraly vesti.kz habarlady. Kásipqoı rıngtegi besinshi kezdesýin amerıkalyq Maıkl Mıtchelge qarsy 23 naýryzda AQSh-tyń Nıý-Iork qalasynda ótkizedi. Jekpe-jek orta salmaq dárejesinde ótedi. Aıdos kásibı boksta ótkizgen tórt kezdesýin de ýaqytynan buryn jeńgen. Onyń ekeýin Ýkraınada, qalǵan ekeýin Almatyda ótkizdi. Sońǵy ret sharshy alańǵa ótken jyldyń mamyr aıynda shyqqan. 25 jastaǵy boksshy Jarkent qalasynda týǵan. Almaty qalasyna kóship kelgennen keıin bokspen 11 jasynan bastap aınalysqan. Áýesqoı boksta – Qazaqstan chempıonatynyń júldegeri. Sonymen qatar, «Astana Arlans» sapynda sharshy alańǵa shyqqan. Aıta keteıik, Nıý-Iorkte taǵy bir otandasymyz WBA (Super), IBO, WBC jáne IBF belbeýleriniń ıegeri Gennadıı Golovkın (36-0, 33 KO)  18 naýryz kúni Madison Square Garden arenasynda amerıkalyq Denıel Djeıkobspen (32-1, 29 KO) judyryqtasady.