Otandyq ǵalymdar arzan tis protezderin ázirleý tásilin tapty

D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń  ǵalymdary Investısııa jáne damý mınıstri Jeńis Qasymbekke oblystyń iri ónerkásiptik kompanııalarymen birlesip, iske asyrylatyn ǵylymı ázirleme usyndy, dep habarlady Qazaqparat. Mınıstrdiń ShQO-ǵa jumys sapary aıasynda ýnıversıtette ǵylymı jáne ónerkásiptik kásiporyndardyń ǵylymı-zertteý jáne tájirıbelik-konstrýktorlyq ázirlemeleri boıynsha májilis ótti. JOO mamandary ınnovasııalyq tehnologııany tanystyrdy. Ol taý-ken baıytý óndirisinde, metallýrgııa, munaı-gaz salasy, medısınada qoldanylady. Atap aıtqanda, aǵzaǵa sapaly, senimdi dıagnostıka júrgizetin  magnıtti rezonansty tomograf úshin «ótkizgish sym» shyǵarýǵa bolady. Tantal men nıobııa qorytpalarynan joǵary tehnologııalyq, berik, bastysy arzan otandyq ımplanttar jasalady. Densaýlyq mınıstrliginiń derekterine sáıkes, Qazaqstannyń ımporttyq ónimderin paıdalana otyryp, jylyna býyndardy aýystyrýǵa 4 mlrd. teńge jumsalady. Tantal men tıtan armatýrasynan jasalǵan tis protezderi, býyndar men omyrtqaaralyq dıskiler eki ese arzan bolady.