Jańa mınıstr taǵaıyndaldy

Keshe Memleket basshysy Nursultan Nazarbaev Syrtqy ister mınıstrliginde bolyp, ujymǵa jańa taǵaıyndalǵan Syrtqy ister mınıstrin tanystyrdy. Prezıdenttiń Jarlyǵymen syrtqy saıasat vedomstvosynyń basshysy bolyp Erjan Qazy­ha­nov taǵaıyndaldy. Dıplomattarǵa jańa Syrtqy ister mınıstrin tanystyra oty­ryp, Memleket basshysy mınıstrlik ujymyn elimizdiń syrtqy saıası jetistikterimen, atap aıt­qanda, ótken jyly EQYU-ǵa tóraǵalyqtyń jáne sammıttiń tabysty ótýimen quttyqtady, son­daı-aq mınıstrliktiń aldyn­da turǵan taıaý perspektıvadaǵy basym mindetterdi atap kórsetti. Ol – maman. 1989 jyldan beri SIM organynda jumys istep keledi. On jylǵa jýyq ýaqyt BUU-da qyzmet atqardy. Meniń kómek­shim boldy. Venada elshi boldy. Ol arab tiliniń mamany. Aǵyl­shyn jáne arab tilderin meń­ger­gen. Biz ótken jyly eýropalyq má­seleler boıynsha jaqsy ju­mys istedik. Qazir arab máse­le­simen aınalysýǵa týra keledi. Ol ıslam álemindegi Qazaqstannyń bedelin nyǵaıtýǵa óziniń úlesin qosady dep senemin. Bıylǵy jyly úlken ister kútip tur. Ma­myr­dyń bas kezinde úlken eko­nomıkalyq konferensııa, odan keıin Eýropalyq qaıta qurý jáne damý bankiniń forýmy, IKU SIMK sammıti, ShYU mereıtoıy ótedi. Sondyqtan biz atqarar mindetter jeterlik. EQYU sammıtin ótkizý barysyndaǵy jumystary­ńyz úshin sizderge alǵysymdy aıtqym keledi, dedi Nursultan Nazarbaev qazaqstandyq dıplo­mat­tarǵa. Prezıdent eldiń syrtqy saıasat vedomstvosynyń mınıstrlik aldynda turǵan barlyq mindetterdi tabysty iske asyratynyna senim bildirdi. ----------------------------------------- Sýretti túsirgender S.BONDARENKO, B.OTARBAEV.