Ǵaryshqa ushýdyń 50 jyldyǵymen quttyqtady

Memleket basshysy Nursultan Nazarbaev Iýrıı Ga­garın­niń ǵaryshqa tarıhı ushýyna 50 jyl tolýyna oraı Reseı Federasııasynyń Prezıdenti Dmıtrıı Medvedevke quttyqtaý jedelhatyn joldady. Barsha qazaqstandyqtar men jeke ózimniń atymnan Sizdi jáne Reseı halqyn Iýrıı Gagarınniń tarıhı ushýyna 50 jyl tolýymen quttyqtaımyn! Adamzattyń ǵaryshqa alǵash­qy sapary barsha adamzat úshin aıtýly oqıǵa boldy. Ol bizdiń tehnıka men ǵylymnyń úlken je­tistigi, barlyq týysqan ha­lyq­tardyń ujymdyq kúsh-jigeri men eńbekqorlyǵynyń nátıjesi. Adamzattyń ǵaryshtyq sapa­ry qazaqstandyq Baıqońyrdan bastaldy. Sodan beri júz jyl­dyń jartysynan astam ýaqyt Baıqońyrdan ǵarysh kemeleri men qurylǵylary ushyrylyp keledi. Mıssııasyn aıaqtaǵan ǵa­rysh­kerlerdi bizdiń jerimiz qu­shaq jaıa qarsy alýda. Qazaqstan men Reseıdiń birlesken ǵaryshtyq baǵdarla­ma­lar­dy júzege asyryp jatqanyna qýa­nyshtymyn. Bizdiń jemisti qa­rym-qatynastarymyz bizdiń memleketter men halyqtardyń, barsha adamzattyń ıgiligi úshin jalǵasyn taýyp, damı beretinine senimdimin, delingen jedelhatta.