«Bolashaǵymyzdy aıqyndap aldyq...»

Qazaqstan Respýblıkasynyń Prezıdenti bolyp saılanýyna oraı Memleket basshysy Nursultan Nazarbaevtyń atyna elimizdiń azamattarynan, qoǵamdyq uıymdar men birlestik ókilderinen, eńbek ujymdarynan ystyq yqylastary men júrekjardy tilekterin bildirgen quttyqtaýlar kelip túsýde. Atap aıtqanda, «Túrksoı» bas hatshysy D.Qaseıinov ha­tynda «TÚRKSOI-ǵa múshe túrkitildes baýyrlas halyq­tardyń arasyn­da­ǵy dostyqty nyǵaıtýǵa Sizdiń qosqan qundy úlesińizdiń mańyzy zor» dep Elbasy eńbegin keńinen atap ótken. Pavlodar oblysynyń ákimi B.Saǵyntaevtyń hatynda Elba­sy­nyń sarabdal saıasatynyń arqa­syn­da elimiz bıik belesterge kó­te­rilip, ekonomıkasy da­myǵan, áleýeti orasan, álemge tanymal, gúldengen memleketke aınalǵany atap ótilgen. Mun­daı ıgi tilekterdi QR UǴA akademıgi, Mole­ký­lıarlyq bıologııa ınstıtýtynyń dırektory N.Aıthojına, 1-sy­nypty ush­qysh N.Aqmuqanov, pro­fessor B.Dosqaraev, Ardaqty ana S.Ju­­mabekova, t.b. bildirgen. «Bo­­lashaq» baǵdarlamasynyń stı­­pendıattary, «Halyqaralyq baǵ­darlamalary ortalyǵy» AQ qyzmetkerleri «Siz bastaǵan re­formany jalǵastyryp, Otany­myz­dyń jarqyn bolashaǵyn qam­tamasyz etý úshin árqashan qoly­myz­dan kelgendi jasaýǵa aıan­baı­tynymyzdy bildirgimiz keledi», dep jazady. «Elimizde turaqtylyqtyń or­naýy, áleýmettik-ekonomıkalyq damý, halyqtyń turmys deń­geıi­niń úzdiksiz artýy, shaǵyn jáne orta bıznestiń órkendeýi Sizdiń esimińizben tyǵyz baılanysty dep bilemiz», dep jazady Elba­syǵa joldaǵan hatynda «Jer-Ana grýpp» JShS dırektorlar keńesiniń tóraǵasy A. Qozbaqov. Mundaı mazmundaǵy hattar «Shy­raq-PV» JShS bas ınjeneri T.Salıevten, «Qazaqstan taýar bırjasy» AQ prezıdenti B.Sádýaqasovadan kelip tústi. «Sizge daýys berý arqyly biz ózimizdiń bolashaǵymyzdy aı­qyn­daı aldyq. Erteńgi kún­ge senimmen qaraıtyn bol­dyq», dep aǵy­nan jaryla ja­zady Shyǵys Qa­zaqstan obly­sy, Kúrshim aýdany turǵyn­darynyń atynan hat jol­daǵan avtorlar. Bul hatqa B.Slıamov, N.Qalıtova, S.Aqtanov, D.Baı­batyrova, Q.Arynǵazın, A.Qa­symbaeva qol qoıǵan. Osyndaı izgi nıetti tilek bildirgen qa­zaq­standyqtar arasynda Jam­byl oblysy, Baızaq aýdany, Úlgili aýylynyń turǵyny E.Se­rik­baı­uly, Ekibastuzdan Mu­­hamed­ja­nov­tar otbasy, Al­matydan O.Má­den, Q.Qab­doldın, E.Balbaev, T.Egizbaev, A.Talıpbaeva, S.Áshirbekov, t.b. bar. Almaty oblysy, Qaske­leńnen hat joldaǵan, ulaǵatty ustaz S.Isaev pen S.Qydy­ralıev júrekjardy tilekterin: «Týǵan ersiz qazaǵymnyń ba­ǵyna, Qut-bereke darı bersin taǵyńa. Elimizdi bolashaqqa bastaı ber, Jeńisińmen qýanta ber taǵy da», dep óleń joldary arqyly bildiredi.