Qazaqstan Respýblıkasy Úkimetiniń qaýlysy № 78

2011 jylǵy 4 aqpan                          Astana, Úkimet Úıi Qazaqstan Respýblıkasy Úkimetiniń 2007 jylǵy 29 jeltoqsandaǵy № 1353 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Otandyq áleýetti ónim berýshilerdiń sa­nat­taryn memlekettik qoldaý sharalaryn aıqyn­daý týraly» Qazaqstan Respýblıkasy Úkimetiniń 2007 jylǵy 29 jeltoqsandaǵy № 1353 qaý­ly­syna (Qazaqstan Respýblıkasynyń PÚAJ-y, 2007 j., № 50, 626-qujat) mynadaı ózgerister men tolyqtyrýlar engizilsin: 1-tarmaqtaǵy «memlekettik muqtajdar úshin» degen sózder alynyp tastalsyn; 2-tarmaqta: «belgilengen tártippen» degen sózderden keıin «qalyptastyrý jáne júrgizý tártibin ın­dýstrııa­lyq saıasatty retteý salasyndagy ýákiletti organ bekitetin» degen sózdermen tolyqtyrylsyn; mynadaı mazmundaǵy bóliktermen tolyqty­rylsyn: «Memlekettik satyp alýdy uıymdastyrý­shy­lar nomenklatýrada qamtylǵan taýarlardy (ju­mystardy, qyzmetterdi) memlekettik satyp alýdy júrgizgen kezde qazaqstandyq óndirýshiler óndiretin taýarlar (jumystar, qyzmetter) tizilimine engizilgen taýarlarǵa (jumystarga, qyzm­et­terge) sáıkes keletin talap etiletin tehnıkalyq, sapalyq jáne paıdalaný sıpattamalaryna sıpattaý jáne nusqaý júrgizedi. Qazaqstandyq óndirýshiler óndiretin taýarlar, jumystar men qyzmetter tizilimin «Qa­zaq­standyq qamtý» ınternet-portalynda ındýs­trııa­lyq saıasatty retteý salasyndaǵy ýákiletti organ aıqyndaıtyn uıym júrgizedi.»; kórsetilgen qaýlymen bekitilgen memlekettik muqtajdar úshin otandyq áleýetti ónim berýshilerden satyp alynatyn taýarlar (jumystar, qyzmetter) nomenklatýrasynda: taqyrybyndaǵy «memlekettik muqtajdar úshin» degen sózder alynyp tastalsyn; 2-tarmaqta: 38) tarmaqshadaǵy «kreslo-arbalar.» degen sózder «kreslo-arbalar;» degen sózdermen aýystyrylsyn; mynadaı mazmundaǵy 39) jáne 40) tarmaqshalarmen tolyqtyrylsyn: «39) órt sóndirý mashınalary; 40) jylý sorǵy qondyrǵylary». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.