Búgin О́skemen qalasyndaǵy №1 mektepke qazaqtyń uly aqyny, fılosof, ǵulama ǵalym Shákárim Qudaıberdiulynyń esimi resmı túrde berilip, bilim ordasynda osy qýanyshqa oraı tusaýkeser rásimi ótti.
Mektep dırektory Raıhan Janǵazyqyzy quttyqtaý sózinde tárbıe oshaǵyna oıshyl aqynnyń esimin berý ońaıǵa túspegenin, osy sátti 12 jyl boıy asyǵa kútkenderin aıtty.
-Kópten beri kókeıde júrgen armanymyz oryndalyp otyr. Mektebimizdiń Shyńǵystaýdyń úsh shyńynyń biri, ǵulama ǵalym Shákárimniń esimimen atalyp otyrǵany biz úshin úlken maqtanysh, zor qýanysh. Bilim ordasynda shákárimtaný kýrsy oqytylady. Oqýshylarymyz aqynnyń óleńderi men fılosofııalyq oılaryn jatqa biledi desek te bolady. Bul tarapta mektep ishinde kóptegen jumystar júrgiziledi, - dedi mektep dırektory.
Tusaýkeser rásimine qatysqan О́skemen qalalyq bilim bóliminiń basshysy Mádenıet Ahmetova muǵalimder men oqýshylardy mereıli mezetpen quttyqtap, shahardaǵy qazaq mektepteriniń sanynyń jyldan jylǵa artyp kele jatqanyn atap ótti.
-О́skemendegi 34 myńǵa jýyq oqýshylardyń 15 myńdaıy qazaq mektepterinde oqıdy. Qudaıǵa shúkir, Táýelsizdiktiń arqasynda qazaq tilinde bilim beretin oqý oryndary kóbeıip keledi. Bul baǵyttaǵy jumystar áli de jalǵasady. Oqýshylar, sizderge aıtarym, Shákárim atalaryńnyń «Adamdyq boryshyń – halqyńa eńbek qyl» degen tamasha sózi bar. Oıshyldyń osyndaı sózderin sanalaryńyzǵa sińirip, keleshekte halyqqa adal eńbek etetinderińizge kámil senemiz, - dedi ol.
Sonymen qatar bul kúni mektepte Shákárim atyndaǵy kabınettiń tusaýkeser rásimi ótti.
Azamat QASYM,
«Egemen Qazaqstan»
О́SKEMEN
Sýretterdi túsirgen
– Esimhan ORYNBAEV
