«Aıalaǵan Astana-2017» baıqaýynyń fınalyna qatysatyndar anyqtaldy

Irikteý týrynyń nátıesi boıynsha «Aıalaǵan Astana-2017» V Respýblıkalyq televızııalyq balalar baıqaýynyń fınalyna 12 qatysýshy ótti. Qatysýshylar elimizdiń ár qalasynan keledi. «Aıalaǵan Astana» konkýrsynyń irikteý kezeńi 1 qańtar men 15 aqpan arasynda ótken bolatyn. Kelip túsken 300 ótinimniń ishinen fınalısterdi bas prodıýser Lına Arıfýlına bastaǵan komıssııa anyqtady. Kandıdattardyń vıdeojazbalaryn tyńdaý nátıjesinde «Aıalaǵan Astana» konkýrsynyń fınalyna kelesi konkýrsqa qatysýshylar ótti:

1. Álibek Azamat (Almaty)
2. Beıbarys Aıtmuǵambetov (Aqmola oblysy, Ereımentaý q.)
3. Mádı Amanbaev (Jezqazǵan)
4. Araılym Berik (Qyzylorda)
5. Karına Bolat (Astana)
6. Aıdana Jalelova (Semeı)
7. Ámına Japar (SQO, Taıynsha q.)
8. Ilıa Koshıkov (Qaraǵandy)
9. Tomırıs Maratqyzy (Astana)
10. Alan Merǵalı (Oral)
11. Aıalan Muqanov (Qostanaı)
12. Lýıza Nurqýatova (Aqtaý)

Endi kóktemgi demalys kúnderi saıyskerler Astana qalasyna kelip, bir apta boıy konkýrstyń aqtyq kezeńine daıyndalady. Al 2 sáýirde «Qazaqstan» telearnasynyń tikeleı efırinde ótetin aqtyq shoýda óner kórsetedi. «Aıalaǵan Astana-2017» baıqaýynyń jeńimpazy – Halyqaralyq «Detskaıa novaıa volna» baıqaýynda respýblıkamyzdyń namysyn qorǵaý múmkindigine ıe bolady. Gran-prı ıegerin tek qazylar alqasy baǵalap qoımaı, «Qazaqstan» telearnasynyń kórermenderi de SMS-daýys berý arqyly tańdaıdy. «Aıalaǵan Astana» baıqaýy bes jyl qatarynan Qazaqstannyń túpkir-túpkirinen talantty balalarǵa ózderiniń vokaldyq darynyn kórsetýge jáne eń myqtylarmen oryndaýshylyq sheberlikterimen saıysýǵa múmkindik beredi. Baıqaýǵa 7-13 jas aralyǵyndaǵy balalar qatysa alady.