«Túrkistan tarıhy» mýzeıinde «Alǵysymyz sheksiz» taqyrybynda kezdesý ótti

1 naýryz «Alǵys aıtý kúnine» oraı  «Áziret Sultan» memlekettik tarıhı-mádenı qoryq-murajaıynyń uıymdastyrýymen «Túrkistan tarıhy» mýzeıinde «Alǵysymyz sheksiz» taqyrybynda kezdesý bolyp ótti. 2016 jylǵy 14 qańtarda Qazaqstan respýblıkasynyń Prezıdenti N.Á.Nazarbaev Qazaqstan halqy Assambleıasynyń qurylǵan kúni 1 naýryzdy elimizde Alǵys aıtý kúni dep jarııalap, № 173 jarlyqqa qol qoıǵan bolatyn. Elbasy óz sózinde  «Men Alǵys aıtý kúni ıgi dástúrge aınalyp, halqymyzdyń eń súıikti merekeleriniń biri bolaryna senemin», – dep atap ótken bolatyn. Alǵys aıtý kúni bolyp belgilenýine oraı «Áziret Sultan» memlekettik tarıhı-mádenı qoryq-murajaıynda ózge ult ókilderimen, ardagerlermen kezdesýler dóńgelek ústelder uıymdastyrylýda. Sharaǵa qalamyzdaǵy «О́zbek mádenı ortalyǵynyń» ókilderi Ábdirahym Qoshqarov, Ábdihalyq Nurjanov jáne qalalyq ardagerler keńesiniń tóraǵasy J.Qulbaıymbetov pen músheleri, sonymen qatar mýzeı qyzmetkerleri qatysty. Kezdesý mádenıet úıiniń ánshi, termeshileri Sherhan Álibek, Maıgúl Turyskeldıevalar kelip, óz ónerlerimen kelgen qonaqtardy tánti etti. О́zbek mádenı ortalyǵy dırektorynyń orynbasary Á.Qoshqarov «Qazaq halqy qıyn-qystaý zamanda Qazaqstan jerine eriksiz qonys aýdarǵan túrli etnostar basyna túsken aýyrtpalyqty qaıyspaı birge kótere bildi, qazaq halqyna alǵysymyz sheksiz... » dep sózin túıindedi. Jıynda sóz alǵan J.Qulbaıymbetov Alǵys aıtý kúni – Qazaqstan halqyn máńgilikke biriktirýge baǵyttalǵan «Máńgilik El» jalpyulttyq patrıottyq ıdeıasynyń, qazaqstandyq biregeıliktiń negizgi arqaýy – elimizdegi barlyq ult pen ulysty bir shańyraq astyna toptastyratyn Qazaqstan halqy Assambleıasynyń kúnimen barsha qazaqstandyqtardy quttyqtady. Shara sońynda kelgen qonaqtarǵa murajaı tarapyna syı sııapattap berilip, «Túrkistan tarıhy» mýzeıin tamashalaýǵa múmkindik jasady. Ekskýrsııany qoryq-murajaıdyń Tarıhı eskertkishterdi qorǵaý jáne arheologııa bóliminiń meńgerýshisi t.ǵ.k. M.Q. Tuıaqbaı júrgizdi.