Bılik pen azamattyq qoǵam jaýapkershiligi artqanynyń belgisi

О́kilettikterdi bılik tarmaqtary arasynda qaıta bólý týraly áńgime shyqqaly beri qazaq qaýymy Qazaqstan Respýblıkasynyń Konstıtýsııasyna engiziletin ózgerister jobasyn taldaý-talqylaýlardy qyzý júrgizdi. Kúni keshe Aqordada osy másele jónindegi Jumys tobynyń qorytyndy otyrysy ótti. Biz atalǵan máselege baılanysty belgili saıasattanýshy Aıdos SARYMǴA jolyǵyp, bir-eki suraq qoıǵan bolatynbyz. – Prezıdenttiń Aqordadaǵy Jumys tobymen keshegi ótkizgen qory­tyndy otyrysqa qatysty sizdiń pikirińizdi bilsek dep edik. – Jalpy, elimizdegi múlik másele­sine, onyń ústine, ótken jyl­ǵy jer máselesine qatysty mıtıngi­ler­diń áseri bolar, elimizde biraz alań­daý­shylyq, tipti, biraz tolqý da bol­dy. Birqatar bedeldi azamattar qyz­dy-qyzdymen qatty-qatty áńgime­ler de aıtyp qaldy. Asyqpaı ótkizil­gen qoǵamdyq talqylaýlardyń bary­syn, barlyq jaǵdaıyn eskerip, kúni keshe Elbasymyz – Qazaqstan Respýb­lıka­sy­nyń Tuńǵysh Prezıdenti Nursultan Nazarbaev bul máseleni odan ári qozǵaýdyń qajeti joq, 26-bap burynǵy nusqasynda qalsyn dep, ózgeris engizbeýdi usyndy. Bul – bizdiń elimizdegi azamattyq qoǵamnyń, zııaly qaýymnyń pikirine, alańdaýshylyǵyna túsinis­tikpen qarap, naqty reaksııa berý, ún qatý dep oılaımyn. Jáne de bul bıliktiń de, azamattyq qoǵamnyń da jaýapkershiliginiń ýaqyt talabyna saı artqanynyń belgisi der edim. – Siz saıasattanýshy retinde osy saıası talqylaý bastalǵan kezeńnen bergi ýaqytta onyń qorytyndysy qandaı bolady degen oıda júr edińiz? – Negizi, búkil másele, talap etil­­­gen kons­­tıtýsııalyq ózgerister týra­­ly áńgime bılik ókiletikteriniń tıis­ti tar­maqtaryna qatysty bol­dy emes pe?! Qalǵan baptary burynǵy Qazaqstan Respýblıkasy Konstıtýsııasynyń 1995 jylǵy referendýmda qabyl­danǵan kúıinde qalmaq degen sóz. Talqylaý kezinde eldiń nazary «árkim» degen sózge aýyp, onyń kóleńkesinde sheteldikterge degen oıdyń astasqany ras. Jer jáne basqa da máselelerge túpki­likti ekonomıkalyq másele sheshil­meı barýdyń erte ekendigi de buǵan deıin san ret aıtyldy. Mora­torıı qoıyldy. Sol sebepti de, halyq­tyń ishinde, qoǵamdyq ortada osy­dan soń da bılik sol burynǵy áńgi­me­sin qaıtadan bastap kete me degen qorqynyshtyń bolǵany da aqıqat. Prezıdenttiń keshegi Jumys tobymen bolǵan basqosýynda munyń barlyǵyna naqty jaýap berildi dep oılaımyn. Endigi jerde barlyq máse­le bıliktiń ókilettikterine jáne onyń basqa da salalas tarmaqtaryna qatysty bolady. – Áńgimeńizge rahmet. Áńgimelesken Talǵat SÚIINBAI, «Egemen Qazaqstan» ALMATY