Sport túrleri saralaý júıesimen qarjylandyrylady

Májilis Tóraǵasy Nurlan Nyǵmatýlınniń jetekshiligimen ótken tómengi palatanyń jalpy otyrysynda alty másele qaraldy. Onyń ishinde eń negizgisi – Mádenıet jáne sport mınıstri Arystanbek Muhamedıuly tanystyrǵan «Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasy boldy. Baıandamada málimdelgendeı, budan bylaı eldegi sport túrlerin qarjylandyrý tetigi saralaý júıesi arqyly iske asyrylatyn sekildi. Otyrysty ashqan Májilis Tóraǵasy depýtattarǵa aldymen jańa áriptesteri Serik Sápıevti resmı túrde tanystyrdy. Odan keıin kún tártibi naqtylanyp, bes zań jobasyna qatysty qorytyndy ázirleý jóninde arnaıy qaýly qabyldandy. Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev «Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy avıasııalyq izdestirý jáne qutqarý salasyndaǵy yntymaqtas­tyq týraly kelisimdi ratıfıkasııa­laý týraly» Zańǵa jáne «1996 jylǵy 18 qazandaǵy Qazaqstan Respýblıkasy­nyń Úkimeti men Reseı Federasııasy­nyń Úkimeti arasyndaǵy temir jol kóligi kásiporyndarynyń, mekemeleri men uıymdarynyń qyzmetin quqyq­tyq retteýdiń erekshelikteri jónin­degi kelisimge ózgerister engizý týraly hattamany ratıfıkasııalaý týraly» zań jobasy boıynsha qorytyndy ázirleý jóninde baıandama jasady. Sondaı-aq, baıandamashynyń «2012 jylǵy 11 mamyrdaǵy Qazaqstan Res­pýb­lı­ka­synyń Úkimeti men Qyrǵyz Res­pýb­lık­asynyń Úkimeti arasyndaǵy Qazaq­stan Respýblıkasy azamattarynyń Qyr­ǵyz Respýblıkasy aýmaǵynda jáne Qyr­ǵyz Respýblıkasy azamattarynyń Qazaq­stan Respýblıkasynyń aýmaǵynda bolý tártibi týraly kelisimge ózgerister men tolyq­tyrýlar engizý týraly hatta­many ratıfıkasııalaý týraly» jáne «Qazaq­stan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy readmıssııa týraly kelisimdi jáne Qazaqstan Respýblıkasynyń Úki­meti men Qyrǵyz Respýblıkasynyń Úki­meti arasyndaǵy readmıssııa týraly keli­sim­di iske asyrý tártibi týraly atqarý hatta­masyn ratıfıkasııalaý týraly» zań jobalaryna qatysty sóılegen sózinen soń, Áleýmettik-mádenı damý komıtetiniń tóraıymy Gúlnar Iqsanova «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» zań jobasyna qorytyndy ázirleý qajet etilip otyrǵanyn aıtty. Sóı­­tip, otyrysqa qatys­qan depýtattar ta­rapy­nan joǵaryda atal­ǵan zań joba­lary­na qatysty qaýly biraýyzdan qabyldandy. Mádenıet jáne sport mınıstrliginiń uıytqy bolýymen ázirlenip, Májilistiń jalpy otyrysynda alǵash ret tanystyrylǵan «Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý týraly» zań jobasyn mınıstr A.Muhamedıuly egjeı-tegjeıli baıandady. Atalǵan zań jobasy Dene shynyq­tyrý men sportty damytýdyń 2025 jyl­darǵa deıingi tujyrymdamasyna jáne el Úkimetiniń zań jobalaý jumystary­nyń josparyna sáıkes ázirlengen­digin tilge tıek etken baıandamashy, mun­daǵy maqsat sportty qarjylandyrýdyń qoldanystaǵy júıesin jetildirý bolyp tabylatyndyǵyn basa aıtty. Sondyqtan da, sportty qarjylandyrý boıynsha usynylyp otyrǵan zań jobasyndaǵy jańa úlgide Qazaqstan úshin perspektıvaly bolyp keletin jáne qazaqstandyq sport­shylar halyqaralyq deńgeıde joǵary nátıjelerge qol jetkizetin sport túrlerin respýblıkalyq jáne oblystyq deńgeıde tıimdi qarjylandyrýdy qamtamasyz etýge basymdyq berilmek. Sol sebepten, munda Ulttyq olımpıada komıtetine dene shynyqtyrý jáne sport salasyndaǵy memlekettik tapsyrysty alý jáne oǵan qatysý quqyǵyn berý kózdeledi. «Bıýdjetti aıqyndaǵan kezde sport túrlerin saralaý tetikteri eskeriletin bola­dy. Al osy saralaý kórsetkishterine halyq­­aralyq jarystardaǵy sport jetis­tik­teri, sport túriniń ulttyq-mádenı «dás­túrliligi», kadrlyq áleýet pen mate­rıal­dyq-tehnıkalyq bazanyń bolýy, óńir­diń klımattyq jaǵdaıyna baılanysty sport túrleriniń erekshelikteri de nazardan tys qalmaıdy. Demek, zań qabyldansa, onyń quqyqtyq, áleýmettik-ekonomıkalyq keri saldary bolmaıdy degen sóz», – dep oı qorytqan mınıstr baıandamasynan soń, oǵan depýtattar tarapynan suraqtar qoıyldy. Bul saýaldar boıynsha halyqaralyq deńgeıdegi maman daıarlaý isi men sport­shy­lar­dy bıýdjet qarajaty arqyly qar­jy­lan­dyrý tetigi, buqaralyq sport pen ult­tyq sport túrleri jáne ony damytý, atal­ǵan salany demeýshiler tarapy­nan qarjylandyrýdy zańdastyrýdyń tetik­teri syndy máseleler kóterildi. Eshbir saýaldy jaýapsyz qaldyrmaǵan mınıstrge ótip ketse de ózektiligin joımaǵan ótkir syn da aıtyldy. «Aq jol» partııasynyń tóraǵasy Azat Perýashevtiń dopıng daýyna qatysty Olımpıada altynynan aıyrylǵan el sportshylarynyń jaı-kúıi men olardyń jaýapkershiligine qatysty málimdemesi Májilis Tóraǵasyn da beı-jaı qaldyr­mady. «Altynnan aıyrylǵan sportshy memlekettiń qarajatyn qashan, qaıtip qaıtarady jáne onyń komandasy qandaı jazaǵa tartylýy tıis?» degen saýaldy tótesinen qoıǵan depýtatqa Arystanbek Muhamedıuly máseleniń óte oryndy kóterilip otyrǵandyǵyn aıtty: «Bul ótken kúnderdiń enshisinde qalǵan dúnıe desek te, ol áli de bolsa óziniń ózektiligin joıǵan joq. Alaıda, biz atalǵan máselege qatysty búgingi zań jobasyna naqty usynystar engizip úlgermedik. Qazirgi tańda sala mamandarymen keńese otyryp, halyqaralyq tájirıbelerge saraptaý júrgizýdemiz. Jaqyn kúnderi osy sekildi keleńsiz jaǵdaıǵa ushyraǵan sportshylardyń ózimen qosa, onyń tutas komandasyn qylmystyq jaýapkershi­lik­ke tartýdyń negizderin naqtylaıtyn bolamyz», – dedi mınıstr. Esterińizge sala keteıik, zań jobasyn­daǵy taǵy bir jańashyldyqtardyń biri – saralaý júıesi aıasynda sport túr­leriniń óńirlik tizbesin qurý men onyń fýnk­sııa­laryna qatysty tártiptiń engizilýi bol­dy. Iаǵnı, qujat qabyldansa, el aımaq­taryn­daǵy quzyreti basym sport túr­leriniń tizbesin ázirleý men bekitý jergi­lik­ti atqarýshy organdardyń ózderine júk­­tel­mek. Sondaı-aq, buqaralyq sport pen ult­tyq sport túrlerin ǵana emes, múge­dek­ter arasyndaǵy sporttyń damýyn qam­ta­ma­syz etip, sportshylar men olardyń jat­tyq­tyrýshylaryna tólenetin aı saıynǵy qarjy kólemderin aıqyndap, bekitý de osy zań jobasynda naqty kórsetilgen. Nurlybek DOSYBAI, «Egemen Qazaqstan»