«Atyraý-Aqparat» JShS dırektorynyń orynbasary taǵaıyndaldy

«Atyraý-Aqparat» JShS dırektorynyń orynbasary qyzmetine Raýan Sábıtov taǵaıyndaldy, dep jazady atr.kz.  Raýan Sábıtov 1985 jyly dúnıege kelgen. Bilimi – joǵary. 2002-2006 jyldary Ál-Farabı atyndaǵy Qazaq ulttyq ýnıversıtetiniń Áleýmettaný bakalavry biliktiligi men akademııalyq dárejesin, 2010-2012 jyldary L.Gýmılev atyndaǵy Eýrazııa ulttyq ýnıversıteti Jýrnalıstıka magıstri biliktiligi men akademııalyq dárejesin alǵan. 2015 jyldan beri L.Gýmılev atyndaǵy Eýrazııa ulttyq ýnıversıtetiniń Jýrnalıstıka jáne saıasattaný fakýltetiniń doktoranty. Malaızııa, Slovakııa, Ońtústik Koreıa, Túrkııa elderinde ǵylymı taǵylymdamadan ótip, biliktiligin arttyrǵan. Eńbek jolyn 2005 jyly respýblıkalyq «Ana tili» gazetinde tilshi bolyp bastaǵan. 2008-2009 jyldary aralyǵynda «Qazaqstan» ulttyq teleradıo korporasııasynda redaktor-júrgizýshi, 2010-2011 jyldary –  «Saqshy» gazetiniń bas redaktory, 2012-2013 jyldary «Halyq sózi» gazeti bas redaktorynyń orynbasary qyzmetterin atqardy. Sońǵy eńbek etken orny – «Qazaqstan-Atyraý» telearnasy. Munda Raýan Sábıtuly dırektordyń orynbasary – bas redaktory bolyp eki jylǵa jýyq qyzmet etti. Buǵan deıin «Atyraý-Aqparat» JShS dırektorynyń orynbasary qyzmetin atqarǵan О́tegen Amanshauly Náýkıev dırektordyń keńesshisi qyzmetine taǵaıyndaldy.