Qazaqstan Respýblıkasy aýmaǵynda sheteldik kompanııalar tek otandyq kompanııalarmen birlesip qana jumys isteı alady. Bul týraly keshe Energetıka mınıstrliginiń alqa otyrysynda Qanat Bozymbaev málimdedi.
"Munaı óndirisi jobalaryna qatysýy úshin budan bylaı sheteldik kompanııalar jer qoınaýyn ıgerýshi otandyq kompanııalarmen birlesken kásiporyn qurýǵa mindetteledi. Jańa talap sheteldik kompanııalarǵa ken orny negizinde beriledi", - dedi mınıstr.
"Qazaqstandaǵy eń iri operatorlar sanalatyn Teńiz, Qashaǵan men Qarashyǵanaq osy talapty saqtaıdy. Batys kompanııalary endi merdiger retinde jumys isteı almaıdy. Tek otandyq kompanııalarmen birlesken kásiporyn qura otyryp qana jumys isteıdi", - dedi bas energetık.
Onyń aıtýynsha, aldaǵy úshi jylda qazaqstandyq munaı servısi kompanııalary "Teńiz-shevroıldan" 12 mlrd dollar alady. Jobany keńeıtý keminde 20 myń jańa jumys ornyn ashady. Al Teńiz jobasyn keńeıtýdiń jalpy quny 37 mlrd dollar.
