Tasqyn tyıylmaı tur

Batys Qazaqstan oblysynda sý tasqynyna baılanysty kúr­deli jaǵdaı qalyptasyp otyr. Osyǵan oraı óńirge 11 sáýir kúni Tótenshe jaǵdaılar mınıstri Vladımır Bojko kelgen bolatyn. Ol oblys basshysy Baqtyqoja Izmuhambetovpen birge sý basqan jerlerdi aralap shyǵyp, tótenshe jaǵdaıǵa oraı shuǵyl keńes ótkizdi. Mınıstr sý tasqynynan zardap shekken turǵyndardyń bárine qajetti kómek jasala­tynyn jetkizdi. Oblystyq tótenshe jaǵdaılar departamentinen túsken máli­met­ke qaraǵanda, Derkól, 1-shi Shejin jáne 2-shi Shejin, Bykovka ózen­deriniń tasýy shyrqaý shegine jetse, Jaıyq pen Shaǵannyń sýy kóterilý ústinde. Zelenov aýdany Zelenyı aýy­ly tusynda Derkól sýy 61 úıge kirip, 40 turǵyn qaýipti jerden kóshirildi. Bakaýshın aýylynda 49 úıdi sý alyp, 35 adam basqa jerge ornalastyryldy. Bykovkadan Hamın eldi mekeni zardap shegip, 30 úıdi sý basty. Tasqala aýdany ortalyǵynda Derkóldiń kóktemgi minezinen 60-tan astam úı zııan shegip, 550 adam kóshirildi. Saman tastan salynǵan úılerdiń aldy qulap ta jatyr. 1-shi Shejin ózeninen Atamekendegi 40-tan astam úıdi sý alǵan. Terekti aýdany Podstepnyı aýylynda 21 úı osyndaı kúıge ushyrady. Zelenov aýylynyń Beles eldi mekenine de sý kirdi. Oral qalasy tóńiregindegi eldi mekenderdi de sý alýda. Son­dyq­tan saıajaılarda, Samal-1, Samal-2 aýdany, Chývashka jáne bas­qa jerlerde turyp jatqan adam­dar, «Jas dáýren» balalar kesheni, «Ivýshka» sanatorııi, oblys­tyq kardıoortalyq kóshirildi. Mashtakov, Mıchýrın aýyldary da osyǵan uqsas jaǵdaıdy bastan keshirýde. Qutqarý jumystaryna myń­nan astam adam jumyldyrylyp, 292 tehnıka qatystyryldy. So­ny­men qatar respýblıkanyń ózge óńir­leri­nen de qutqarýshylar kómekke kelgendigin aıta ketý kerek. Qutqarýshylardyń sózine qa­ra­ǵanda, Derkól, Shaǵanǵa qosa Jaıyq ózeniniń qosa tasýy jaǵ­daıdy qıyndatyp jiberdi. Negizi Jaıyq on kúndeı keıin tasıtyn. Bastysy, qoldan kelgen shara­lar­dyń bári jasalynýda. Abyroı bolǵanda, mal shyǵyn bolǵa­ny­men, adamdar aman. Temir QUSAIYN. Oral.