Depýtat Ortalyq Azııada jańa odaq qurýdy usyndy

Ortalyq Azııada jańa óńirlik odaq qurý máselesin qaraý kerek. Qazaqstan bul odaqta jetekshi orynǵa ıe bolyp, Ortalyq Azııa elderine resmı gýmanıtarlyq kómek kórseter edi. О́ıtkeni óńirdegi teris yqpaldardyń aımaqtaǵy elderge, sonyń ishindegi Qazaqstanǵa da kesirin tıgizýi múmkin. Mundaı bastamany búgin QR Parlamentiniń Májilisindegi úkimettik saǵatta tómengi palatanyń halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev kóterdi. Onyń aıtýynsha, óńirde transshekaralyq ózenderdiń resýrstaryn paıdalaný men ózge de máseleler boıynsha jınalyp qalǵan problemalar bar. Al óńir elderiniń ózara birlikke kelýinen basqa joly joq. «Sol sebepti qazir Ortalyq Azııa elderiniń qaýipsizdigin qamtamasyz etý úshin ne isteý kerektigin oılaý mańyzdy. О́ńirdegi kóptegen problemalar ózara túsinistik arqyly sheshilýi kerek. Máselen, transshekaralyq ózenderdiń resýrsyn paıdalaný, ekologııalyq máselelerdiń sheshilýi, óńirdiń tranzıttik-baılanys áleýetin arttyrý, terrorızm jáne ekstremızmge qarsy kúres máseleleri. Sol sebepti óńirdegi yqpaldastyqty arttyryp, jańa deńgeıge kóterý kerek", - dedi depýtat. Depýtattyń pikirinshe, aımaqta jańa óńirlik odaq qurýǵa da qajettilik bar. «Bizdiń pikirimizshe, Ortalyq Azııa elderiniń arasyndaǵy baılanysty retke keltirý kerek. BUU Qaýipsizdik keńesi aıasynda osy máseleniń kóterilýi kerek. О́z kezeginde QR SIM men ózge de tıisti memlekettik organdar ortaazııalyq elderdiń ózara qatynasynyń qalaı damýy kerektigi týraly saraptap, usynys jasaýy kerek", - dedi májilismen. Sonymen qatar, Qazaqstannyń shetelge gýmanıtarlyq kómek kórsetýiniń mańyzdylyǵyna toqtaldy. «Elimizde problemalar bar kezde ózge memleketterge syrtqy kómek jasaýdyń qajettigi joq degen pikirdiń bar ekenin bilemin. Osy rette damýǵa resmı kómek jasaý - ol qaıyrymdylyq emes, ıaǵnı basqa elderge birrettik kómekke jatpaıdy. Bul óz kezeginde naqty syrtqy saıası maqsattarǵa jetý úshin ıkemdi tetik bolyp tabylady. Ekonomıkalyq yntymaqtastyq jáne damý uıymynyń kóptegen elderi osyndaı saıasatty júrgizip keledi. Sondyqtan da damýǵa resmı kómek jasaý qadamdaryn tereń uǵynyp jasap, syrtqy saıasattyń basymdyqtaryna naqty oraılastyrý kerek», - dedi Áshimbaev. Osy oraıda ol gýmanıtarlyq kómek jasaýdy qysqartý durys emes ekenin, eger de kórshiles elder problemalar shyrmaýynan shyǵa almaı jatsa, eshbir memleket uzaq merzimdi damýdan úmittene almaıtyndyǵyn jetkizdi. «Ortalyq Azııa turaqsyzdyqtyń, zańsyz kóshi-qonnyń, lańkestiktiń aýmaǵyna aınalsa, onda bunyń saldary elimizdegi jaǵdaıǵa yqpal etpeı qoımatyny anyq», - dedi depýtat.