Aıtarym bar

Men ómir boıy aýyl sharýashyly­ǵyn­da eńbek ettim. Sondyqtan aýyl jaǵ­daıyn jetik bilemin. Meni jastar men jasóspirimder tártibi qatty alań­datady. О́kinishke oraı, bul baǵytta qolǵa aly­nyp jatqan is-sharalar áli de jetkiliksiz. Sondyqtan da, aldaǵy ýaqytta qa­jetti sharalar qabyldansa nur ústine nur. Iá, ardagerlerdiń mindetin, quqy­ǵyn naqty aıqyndaý kerek. Olardyń yq­palyn kúsheıtý, jastar tártibine arala­sý tóńireginde naqty is-sharalar atqary­la­tyn ýaqyt keldi dep oılaımyn. Aýyl­dyq okrýgterde bıler saılap, onyń tár­tip buzýshylarǵa aıyppul salatyndaı qaýqary bolsa, tipti oń bolar edi. Men kórshi Qytaı elimen shekaralas Marqakól aýdanynda týyp óstim. Bizdiń jas kezimizde shekara boıynda turatyn azamattar shekarany kúzetýde qyraǵylyq tanytatyn. Dál qazir shekaranyń ondaǵan gektar jeri bos qalýda. Aıtaıyn degenim, shekara boıynda turatyn halyqqa sol mańǵa kóship baratyn múmkindiginshe jeńildikter berilse, jan-jaqty materıaldyq kómekter berilse, qalyń el kósh basyn týǵan jerge burar edi. Mine, osy máseleler jaıly respýblıka ardagerleriniń VI sezinde aıtsam deımin. Sabyrbek AQTANOV, Sosıalıstik Eńbek Eri. Shyǵys Qazaqstan oblysy, Kúrshim aýdany.