Eki mıllıonynshy turǵynnyń ata-anasy Jarqynaı Emenaqynova men Dıas Shormanovtyń otbasyn oblys ákimi Amandyq Batalov arnaıy baryp quttyqtady.
- Naýryz meıramy ejelden jańa ómirdiń, tyń tirshiliktiń, úmit pen senimniń bastaýy sanalady. Sondyqtan Naýryzdyń shyǵys halyqtarynda Jańa jyl retinde atalyp ótilýi oryndy. Jańa jylymyz Almaty oblysynda eki mıllıonynshy turǵynnyń ómirge kelýimen bastalyp otyr. Sábıdiń jaryq dúnıege kelýi – otbasy úshin árqashan erekshe oqıǵa, al oblystyń eki mıllıonynshy turǵynynyń ómirge kelýi – óńirimiz úshin tarıhı sát. Sábıdiń ata-anasyn shyn júrekten quttyqtaımyn. Bizdiń kishkentaı nárestelerimizdiń elimizde bolashaǵy zor, erteńi aıqyn bolady dep senemin! – degen Amandyq Batalov jas otbasyna eki bólmeli páterdiń kilti men nárestege qajetti zattardy syıǵa tartty.
«Árbir ana úshin sábıdi ómirge ákelý – úlken mereke. Men úshin de búgingi kún erekshe mańyzdy. Eki bólmeli páter syılap qýanyshymdy eki eselep tastadyńyzdar. Otbasymnyń atynan ana men balaǵa, deni saý urpaq dúnıege ákelýge barlyq jaǵdaıdy jasap otyrǵan Memleket basshysyna zor alǵysymdy bildiremin. Sábıli bolýmen qatar úıli dep bolyp jatyrmyz. «Ár bala óz nesibesimen týady» degendi babalarymyz beker aıtpaǵan eken. Elimizdiń, Jetisý ólkesiniń damyp, gúldenýine shyn júrekten tilektespin», - degen jas ana oblys ákimi A. Batalovqa ulyna at qoıýdy usyndy. Balaǵa Nursultan degen at qoıyldy.
Jalpy, Almaty oblysynda jyl saıyn orta eseppen ómirge 110-115 myń bala keledi.
