Alańǵa jınalǵan qaraqurym halyq, arnaıy shaqyrylǵan mártebeli meımandar aınala tıgen aqshańqan kıiz úılerdi aralap dastarhannan dám tatty.
Merekeni quttyqtaý sózben ashqan Ońtústik Qazaqstan oblysynyń ákimi Janseıit Túımebaev bul kúni soǵys ardageri Beısenbaı Igisinovqa, kezinde óńirdi biliktilikpen basqarǵan Bolat Jylqyshıevqa, jazýshy Dýlat Isabekovke, oblys prokýrory Ibrahım Imanovqa,senatorlar Asqar Beısenbaevqa, Qýanysh Aıtahanovqa, belgili ǵalym, til janashyry О́mirzaq Aıtbaevqa, eńbek ardagerleri Jeńisbek Máýlenqulovqa, Moldybaı Ilıasovqa, Shalataı Myrzahmetovke, Orazkýl Asanǵazyǵa, Amanáli Ábdiramanovqa, Tatıana Býrmıstrovaǵa, Kársenbaı Qýnaqqa, Azat Satybaldıevke, satırık Kópen Ámirbekke, oblystyq máslıhat depýtattary Sháripbek Jamalbekke, Ábilqasym Dosbolovqa, dáriger, professor Derbisáli Seksenbaevqa "Qurmetti azamat" ataǵyn saltanatty túrde tapsyrdy.
Ǵalymjan Elshibaı,
"Egemen Qazaqstan"
