Golovkınniń jasy kelip qaldy, ol endi tek orta salmaqtaǵy chempıondyq belbeý ıelerimen kezdesýi kerek dep esepteıdi sarapshy. Onyń sózin qazaqstandyq sports.kz basylymy keltiredi.
«Eger GGG maýsymda nemese qyrkúıekte Djeıkobspen qaıta shyqsa jáne jeńilip qalsa, Golovkınge dos emesterdiń mereıi ústem bolady. Al Kanelo Alvares jekpe-jekten bas tartýy yqtımal. Al eger Golovkın amerıkandy 12 raýndtan keıin tóreshiler sheshimimen jeńse, ol úshin qurmetke ıe bolmaıdy.
8 sáýirde Golovkın 35 jasqa keledi. Sporttyń kez kelgen negizgi túrinde 35 jas kárilik bolyp sanalady. Boksta fızıkalyq kúshpen qatar psıhologııanyń myqtylyǵy da mańyzdy. Alaıda, asa joǵary deńgeıdegi qarsylaspen shyqqanda jas aıyrmasy da aıtarlyqtaı ról atqarady. Buǵan Gennadııdiń Dennımen kezdesýi kezinde kýá boldyq.
Golovkın muny esten shyǵarmaýy jáne jasy kelgen saıyn ár kezdesýdi ábden tarazylap baryp tańdaýy kerek.
GGG Djeıkobsty taza uryp aldy. CompuBox statıstıkasy boıynsha, Golovkınniń dál tıgen soqqylary Djeıkobspen salystyrǵanda 56-ǵa kóp bolǵan. Iаǵnı, raýnd saıyn 4-5 soqqy. Golovkınniń Djeıkobsti nokdaýnǵa jibergenin jáne búkil kezdesýde agressıvti qımyldaǵanyn umytpaý qajet. Endeshe bul jekpe-jekte esh oılanbastan jeńisti 115-112 nemese tipti 116-111 esebimen qazaqtyń paıdasyna berýge bolady.
Golovkın tarıhta eń myqty boksshylardyń biri retinde qalǵysy kelse, onda orta salmaqtaǵy tıtýldardyń bárin ıelenýi kerek. Sońǵy 35 jylda úsh boksshy ǵana bul kategorııadaǵy negizgi belbeýlerdi aldy. Olar: Marvın Hagler, Bernard Hopkıns jáne Djermeın Teılor (ol 2005-te Hopkınsti jeńgen bolatyn).
Eger Golovkın WBO nusqasy boıynsha álem chempıony Djo Sondersti jeńip, belbeýin ıelense, odan keıin Saýl Alvarespen kezdesip, utar bolsa, onda jańaǵy rekordty jańartyp, orta dıvızıondaǵy barlyq belbeýlerdi biriktirgen bolar edi. Onda GGG búkil boks tarıhyndaǵy eń úzdik úshtikke kiredi.
Osyndaı statýsqa jetkisi kelse, Golovkın úshin Djeıkobs sııaqty boksshylarmen revansh ótkizýge ýaqyt joǵaltaýy kerek. Al Djeıkobsty ol taza jeńgen bolatyn» deıdi Djastın Grem.
