Qazaqstan basshysy sońǵy aıdyń ishinde eki el arasyndaǵy qarym-qatynastyń qanshalyq jetistikterge jetkeni týraly áńgimeledi.
«Keıingi ýaqytta bizdiń qarym-qatynas múldem basqasha damı bastady. Sońǵy bes aıdyń ózinde eki el arasyndaǵy saýda aınalymy eki jaqtan da 30 prosentke ósti. Onyń ishinde buryn jetkizilmegen jańa taýarlar da bar. Jańadan tórt saýda úıi ashyldy. Buǵan deıingi ýaqyttyń bárimen salystyrǵanda astyqty 30 prosentke, ózbek jemisi men kókónisin 25 prosentke kóbirek kirgizdik. Bul О́zbekstan jańa basshylyǵynyń saýdany damytýǵa barlyq múmkindik bergeni jáne kedergilerdi alyp tastaǵany arqasynda boldy» dedi Qazaqstan Prezıdenti.
Nursultan Nazarbaev eki el arasynda eshqandaı problema joq ekenin aıtty. «О́zbekstan men Qazaqstan arasynda búginde meıli terrıtorııalyq, meıli shekaralyq, meıli saıası, meıli ekonomıkalyq bolsyn, sheshilmegen eshqandaı másele joq. Biz qazir jańa ashylǵan taza paraq sııaqtymyz. Ony endi halyqtarymyzdyń ıgiligine arnalǵan ıgi istermen toltyrýymyz kerek» dedi Elbasy.
