Nazarbaev Ýnıversıtetinde bolǵan eki eldiń prezıdentteri bilim ordasynyń damý josparymen, ónerkásipti avtomattandyrý zerthanasymen, oqý ornynyń zertteýshilik jobalarymen jáne fızıka-matematıka zerthanasymen tanysty. Sh.Mırzııoev ýnıversıtettiń qurmetti qonaqtar kitabyna qoltańba qaldyrdy.
Sodan keıin Nursultan Nazarbaev pen Shavkat Mırzııoev resmı ashylǵan «MEGA Silk Way» saýda jáne oıyn-saýyq ortalyǵynyń saýda-kórme pavılondaryn aralap kórdi. Sondaı-aq eki el prezıdentteri «Cirque du Solei» ártisteriniń Monte-Karlodaǵy halyqaralyq festıvaliniń jeńimpazdary qoıǵan shaǵyn teatrlyq kórinis pen akrobatıkalyq shoýdy tamashalady.
Memleketter basshylary qalanyń kórnekti oryndaryn aralap kórgen soń «Astana EKSPO-2017» kórme kesheni qurylysynyń barysymen jáne onyń maketimen tanysty.
