Is-sharaǵa Almaty qalasy QHA tóraǵasynyń orynbasary Qazbek Mamsurov, Almaty qalasy QHA Analar keńesiniń belsendileri, Almaty tatar qoǵamdyq-mádenı ortalyǵynyń basshylyǵy, Qazaqstan tatarlary men bashqurttary qaýymdastyǵynyń ókilderi, Almaty qalasy máslıhatynyń depýtattary, QHA músheleri, respýblıkalyq jáne qalalyq etnomádenı birlestikterdiń ókilderi, jastar uıymdarynyń músheleri, BAQ ókilderi men QHA ózge de qurylymdarynyń basshylary qatysty.
Jıynda Elbasy usynǵan jańa reformalardyń halyq tarapynan qýattalyp iske asýy jaıy sóz boldy. El ekonomıkasynyń qaryshtap damyp, keńge qanat jaıýyna, eldiń saıası ómirindegi jańa ózgerister arqyly halyqtyń ál-aýqaty artyp, demokratııalyq úderisterdiń alǵa jyljýy sııaqty negizgi jetistikterge jol ashatyn jańa reforma el tarıhyndaǵy eleýli oqıǵa dep baǵalandy. Qazaqstan halqy Assambleıasynyń Almaty qalasy boıynsha tóraǵasynyń orynbasary Qazbek Mamsurov: «Elbasy usynǵan jańa reformany talqylaý kezinde QHA bar erik-jigerimen qyzmet jasady. QHA aıasynda reformany talqylaýǵa arnalǵan 400-den astam is-shara ótti. Sondaı-aq, «Qazaqstannyń Úshinshi jańǵyrýy: jahandyq básekege qabilettilik» atty Elbasymyzdyń jańa Joldaýy da óziniń mańyzdylyǵy men ózektiligin kórsetýde», dedi óziniń sózinde.
Shara barysynda Joldaýda aıtylǵan negizgi basymdyqtar da sóz boldy. «Bizdiń elimizde úlken ózgerister júzege asýda. Qıyndyqty eńserip, Táýelsizdikti nyǵaıtý jolynda halqymyz talaı joldan ótip keledi. Bul – basqarýdyń jańa tetigi. Ýaqyt pen zaman talabyna qaraı ár nárse ózgerip damyp, alǵa jyljyp otyrady. Osyndaı jaýapty kezeńde Almaty qalasy Analar keńesi atynan saıası bastamalarǵa qoldaý kórsetý maqsatynda
jıylyp otyrmyz. О́ıtkeni, bul – biz ben sizdiń bolashaǵymyz, keleshek urpaqtarymyzdyń jarqyn ómiri. Elbasymyz Nursultan Ábishuly Nazarbaev óziniń jańa Joldaýynda da bilim sapasyn arttyrýǵa, densaýlyq saqtaý qyzmetin odan ári damytýǵa, álemdik damyǵan jańa tehnologııalardy meńgerýge, halyqtyń áleýmettik-ekonomıkalyq jaǵdaıyn jaqsartýǵa basa nazar
aýdaryp otyr. Sondyqtan, ult bolyp uıysyp, jurt bolyp jumylyp, Prezıdentimizdiń jarqyn bastamalarynyń iske asýyna ár salanyń mamandary ózindik úlesimizdi qosýymyz qajet», dedi Analar keńesiniń tóraıymy Nýrııa Nııazova.
Qazaqstan halqy Assambleıasyna qarasty etnomádenı birlestikterdiń ókilderi de óz oılaryn ortaǵa salyp, jańa reforma jańa belesterdi baǵyndyrý jolyndaǵy berik kópir ekendigin aıtty.
Arman OKTIаBR,
«Egemen Qazaqstan»
ALMATY
