Qaıtalanbas sýretterin kitap qylyp shyǵaryp beremin degen demeýshilerden, ýádesi kóp ákim-qaralardan kóńili qaldy ma, sońǵy ýaqytta baıyrǵy qyzylordalyq fototilshi óziniń sırek fotolaryn áleýmettik jelilerde jarııalaýmen shektelip júr. Árqaısysy bir qaralyq kadrlardyń ishinen kózge ottaı basylatyn sátter jarq etip shyǵa keledi.
Sol jyldary óner maıtalmandary dep aıtýǵa kelmeıtin óndirdeı jas Merýert О́tekeshova men Quman Tastanbekovtiń qosaqtasyp otyrǵan kezin fototilshi qalaı tarıhqa aınaldyrdy eken?!
– 1969 jyly Almatyǵa oqýǵa qujat tapsyrýǵa bardym. Bir jaǵynan «Qazaq ádebıeti» men «Sosıalıstik Qazaqstan» («Egemen Qazaqstan») gazetterine fotoetıýdtarym burqyrap kúnde shyǵyp jatqan kez. Sol jyldardaǵy «Sosıalıstik Qazaqstannyń» fototilshisi Sıez Básibekovke jolyǵyp, oqýǵa túsýge kelgenimdi aıtsam. Ol kisi: «Saǵan oqýdyń keregi de joq. Sen daıyn turǵan fototilshisiń. Elge qaıt!» degeni.
Joǵarydaǵydaı áńgimeden keıin oqýǵa tapsyrýǵa kóńil soqpady. Sodan aýyldasym – «Qoǵalykólden» shyqqan jerles aǵam Sultan Qojyqovqa sálem berip keteıin dep «Qazaqfılm» kınostýdııasyna keldim. Sultan aǵam sol jyly «Qyz Jibekti» túsirip júrgen kezi eken.
Sultan aǵamyzdyń jumysy kóp bolyp, aqyry ol kisige jolyǵa almadym. Sóıtip, kınostýdııada júrsem, bir buryshta ajarly qyz ben jigit óte jarasyp otyr. Dereý eki ret fotoǵa shyrtyldatyp túsirip úlgerdim. Birinshi kadrda Merýert kózin jumyp qalypty. Ekinshi kadrdaǵy osy sýret. Men ol kezde ekeýiniń Jibek pen Tólegendi oınaıtynyn da, Merýert pen Quman ekenin de bilgen joqpyn, – deıdi fototilshi.
Aınash ESALI,
«Egemen Qazaqstan»
Sýretti túsirgenBolat OMARÁLIEV
ALMATY
